A transporta personalidad Ruben Garcia cu air ambulance pa Colombia

ORANJESTAD/BUCARAMANGA - Conocido personalidad Ruben Garcia awe tardi a keda transporta cu air ambulance pa Bucaramanga, Colombia riba conseho di e cardiologo cu tabata trata Garcia na Aruba. Manera ta conoci, Garcia a haya un atake leve di curason diamars, cu a pone cu el a keda interna den hospital. Pero despues a dicidi pa traslade toch pa Colombia. A compronde cu a haci testnan cune na Aruba mes, pero si en caso mester haci un cateterisacion, na Aruba esey lo no ta posibel aworaki pasobra e sala di operacion no ta completamente operacional. A compronde mientrastanto tambe cu Garcia tabata bon bij, di animo halto prome cu el a biaha pa Colombia.