Dobel celebracion na Botica di Servicio y su afiliado Laboratorio di Servicio

(ADVERTORIAL)

EAGLE- Botica di Servicio y su afiliado Laboratorio di Servicio recientemente tawatin celebracion di dos persona cu a destaca den nan carera. Dos empleado dedica na nan trabao a cumpli 25 aña y 5 aña den servicio respectivamente y a wordo reconoci pa nan tantisimo contribucion tur dia na e compania. Mientras cu Doris Geerman tawata e focus di atencion pa cumpli 25 aña na Botica di Servicio, su yiu muher Tibisay Croes-Geerman a wordo elogia pa cumpli 5 aña na Laboratorio di Servicio. Tanto mama como yiu ta comparti e mesun balor di diligencia y dedicacion. E similaridadnan no ta caba eynan; ambos ta empleado di e mesun compania y ambos a celebra nan carera riba mesun fecha. Y manera cu Michelle Obama a expresa recientemente: "There is no magic to achievement; it's really about hard work, choices and persistence". Aruba Growth Fund Foundation, kende ta propietarionan di Hilton Aruba Caribbean Resort & Casino, Botica di Servicio, Laboratorio di Servicio y Op=Op Voordelshop ta determina pa continuamente introduci producto- y servicionan di calidad pa e comunidad di Aruba, como tambe riba e tereno di salud. Como un compania completemente Arubiano, financia pa inversionistanan Arubiano, nan focus ta pa inverti den negoshinan local y asina contribui na bienestar di nos isla.