Personalidad Ruben Garcia 'stabil y recuperando' di un atake

ORANJESTAD – Conocido personalidad y director di emisora Power FM Ruben Garcia awe mainta ta stabil y recuperando poco poco. Asina su famianan a confirma na NoticiaCla awe mainta. Garcia a haya un atake di curason un dia prome y a keda transporta pa hospital unda cu e la keda interna pa observacion y sosiego. Den fin di siman ainda e tabata den pleno transmision di actividadnan carnavalesco. “Recuperacion ta bay poco poco” su señora a confirma pa e portal aki. Mesora rednan social a keda inunda pa mensahe nan di pronto recuperacion pa e persona cu ta un di nos personalidadnan mas popular y conoci di nos isla. NoticiaCla ta desea Ruben un pronto recuperacion y cu e por ta na cas pronto.