Opinion: Grupo preocupa cu sindicato di polis

Opinion: Grupo preocupa cu sindicato di polis

Posted on 02/9/2018 8:58 pm AST | Updated on 02/9/2018 9:00 pm AST

Grupo preocupa cu sindicato di polis 

Bon dia coleganan I miembro nan di SPA,

Miembro nan di SPA I no miembro nan di SPA por a scuchadia 7 di December 2017 un mensaje manda riba Whatsapp di e president di SPA, sr. Edgar F.A. MADURO cu ta jama TUR MIEMBRO NAN DI SPA CU NO A PRESENTA riba7 di December 2017 na un reunion cu a wordo jama riba es dia ey pa mas o menos11.00 or di mainta cu caracter di urgencia cu excepcion di mas o menos 10 miembro presente pa RATON, LAGADISHI I pa SET DI COBARDE.

E expression nan ariba menciona NO ta acceptabel pa ningun miembro y no miembro di SPA cu no a presenta na dicho reunion pa cualkier rason.

Nos como miembro nan di SPA ta considera esaki como un INSULTO I sigur no ta manera pa un presidente di sindicato expresa su malcontento door di falta su miembro nan RESPET. Un president di sindicato mester keda profeshonal na tur momento.

Como recordatorio dia 10 di juli 2017 un carta di parti di Grupo di polis preocupa a wordo manda pa colecta firma pa un reunion di urgencia tocante un decision cu SPA a tuma riba nan mes sin un mandato di su miembro nan. (refiriendo riba e famoso expression nan hasi dilanti di bestuurskantoor den desconfiansa di miembro nan den actual Korps Chef)

Den un reunion na Pova na luna di juli 2017, miembro nan di SPA a presenta masalmente na e reunion caminda a wordo dicidi unanimamente cu SPA NO por I NO mag tuma ningun decision sin un reunion I e mandato di su miembro nan.

Keto bay ainda president di SPA ta dunando declaracion nan namens miembro nan y sin a tene reunion y stipula agenda cu e punto nan y haya mandato di su miembro nan.

Abase di e ultimo acontesimiento nan miembro nan ta exigi un reunion mas pronto posibel cu SPA pa e miembro nan por dicidi kiko lo ta e siguente paso nan cu lo wordo tuma.

Nomber di remite conoci na redaccion. 

 

  • Opinion: Mi yui Po Sing Fan ta innocente

    Opinion:  Mi yui Po Sing Fan ta innocente

    Apreciabel sr Redactor. Na prome lugar mi ta grandicibo pa e espacio pa mi como mama di mi yui, Po Sing, por expresa mi mes tocante e caso di mi yui. Cu awa na wowo y un dolor inmenso mi a scucha con Juez den e caso di wayaca a sentencia mi yui na 20 anja di castigo di prizon. Ami como mama di mi yui sa cu mi yui ta innocente di tur e acusacion nan menciona. Na e inicio di e investigacion hopi cos a bai robez y mi ta di opinion cu esnan envolvi a busca y hasi envistigacion robez. No ta pasobra mi yui a duna Echabardo un lift y buske bek e mester tabata sa di e suceso aki. Pasobra ta hopi biaha mi yui sa duna Echebardo un lift y hopi otro hende mas hende den su bida. Esaki tabata algo comun pa mi yui. No ta paso mi yui a huur un auto pa Echebardo, kiermen cu mi yui tabata sa kiko e persona aki tabata di bai hasi pa cu e caso aki. Es mas e sa huur auto varios biaha pa Echebardo den pasado y sa huur pa otro hende tambe. Mi yui ta un persona cu semper a saka un man pa juda hende ora e por. Mi ta sinti cu husticia di Aruba cu tur respet, a faya y kier culpa mi yui pa sconde e berdad mes. Sra Juez, bin splica ami y mi famia, con por ta posibel cu mi yui tin tur cos den su bida, su mesun negoshi, su mesun plaka, su dos cas nan y mucho mas, kiko lo tabata su motibo pa laga comete un atraco sabiendo cu e tin tur cos y no falta nada. Nos por a scucha den corte con Echebardo a tilda e yui di e defunto y ningun musca a bula. Asina tin hopi cos bisa den corte cu no a sali den prensa y tambe cu no ta cuadra cu e realidad. Nos ta di opinion cu Sra Juez a wordu mal informa door di autoridadnan y e Fiscal concerni. Lamentablemente Echebardo a compromete su mes pa no a papia e berdad den corte. Por ultimo mi kier a remarka cu tin un diferencia grandi entre mi yui y e otro nan. Mi yui semper ta responsabel riba su mes y nunca a depende di su mama of tata. Pero e otro nan si. Nunca nos a laga sa cu nos no ta confia nos yui cu plaka. Por lo pronto te aki nan. Famia Fan.

  • Opinion: PA INTERES GENERAL!?

    Opinion: PA INTERES GENERAL!?

    pa Armand Hessels

  • Opinion: UN RST AUTONOMO?!

    Opinion: UN RST AUTONOMO?!

    Pa Armand Hessels

  • Opinion: Humilde

    Opinion: Humilde

    (PA ARMAND HESSELS)

  • Opinion: Secuencia robes

    Opinion: Secuencia robes

    SECUENCIA ROBES pa Armand Hessels

  • Opinion :Con a para cu e Proyecto di Isla di Oro

    Opinion :Con a para cu e Proyecto di Isla di Oro

    Skirbi pa Clyde Harms

  • Powered by SETAR