Homber sentencia na 12 aña prison pa asesinato na Olde Molen

ORANJESTAD - Corte den prome instancia a caba di condena e homber E.A.M.S (Erick Arturo Minguel Schneider ).(24) pa 12 aña di castigo incondicional pa asesinato. Fiscal a exigi 14 aña. Riba 21 di mei 2017, S. a tira un homber mata dilanti Olde Molen. Esaki ta e persona cu despues di 9 dia di a comete e acto, a entrega su mes na polis.

E ASESINATO

Manera ta conoci, riba e fecha ya menciona a drenta un melding 4:28 am na central di polis cu lo tin tiramento na Olde Molen. Na yegada di patruya ta bin topa cu un hende homber cu tiro na su curpa y no ta duna señal di bida den e parkeerplaats dilanti e luga. Ta pidi ambulance, pero na yega no por a haci nada ya cu e persona a fayece. Polis a bay over na cera rond di e luga di e sucedido y pa asina cuminsa cu e investigacion. Recherche di Noord y departamento forensico di polis a yega pa asina saca afo kico a pasa. Dr Texeir a constata morto pa 5:30 am