Accion di entrega di permiso nan cla na Dimas awe diabierna

Accion di entrega di permiso nan cla na Dimas awe diabierna

Posted on 02/9/2018 10:19 am AST | Updated on 02/9/2018 10:20 am AST

ORANJESTAD – Awe diabierna lo pone un team grandi pa haci entrega na tur e cliente nan cu tin algo cla y pendiente pa busca. Tin actualmente alrededor di 1200 carta of contesta cu ta cla pa entrega.

E documento cu por ta cla na DIMAS pa ser busca por ta:

- e declaracion cu a pidi p'e

- e permiso di estadia cu a pidi p'e

- e permiso di estadia temporal cu a pidi p'e

- of tambe e por ta:

- un carta pidiendo documento(nan) adicional,

- un cobransa adicional

- un desicion di negacion di e peticion unda ta splica e motibonan cu a conduci na e rechaso di su peticion

Tin un cantidad di peticion nan cu mientrastanto ta cla y ya procesa pa DIMAS su team y di cual tin un contesta pa e cliente pendiente pa ser recogi na DIMAS y cu - pa un of otro motibo - e cliente no a pasa recoge ainda.

Pa es motibo, DIMAS ta bin cu un accion y ta invita tur esnan cu tin un aplicacion den tramite pa verifica via nos website www.dimasaruba.aw cu tin algo cla p'e, y pa pasa oficina di DIMAS diabierna awor dia 9 di februari 2018 entre 8:00-11:30 y 13:00-15:30. Pa verifica si tin un documento cla pa recoge por haci uso di e CRV# y track esaki via www.dimasaruba.aw.

Riba e dia aki lo atende e cliente nan segun e orden di yegada. Mester registra cu a yega via di e sistema di maneha cliente y despues ta tuma asiento y ta wak via di e pantaya na cual di e 18 bali nan bo lo ser atendi.

Desde september 2017 DIMAS ta uzando un sistema inovativo di registracion di stranheronan cu a ser desaroya pa KPMG pa administra y procesa digitalmente tur aplicacion di permiso pa stranhero. Pa motibo di algun problema nan tecnico cu e sistema nobo, DIMAS no a alcansa pa procesa tur peticion nan den e tempo stipula pa ley di 12 siman. Ley ta duna DIMAS, conforme articulo 7 inciso 10 di e Ordenansa di Admision, Expulsion y Deportacion, e posibilidad pa extende e tempo pa procesa e peticion nan cu 12 siman mas.

DIMAS ta alabes informa cu tin ainda un cantidad di peticion pa permiso of declaracion ainda cu mester keda procesa. DIMAS ta pidi e cliente pa sigui e desaroyo di su peticion via di website y ta invita e cliente pa pasa durante ora di oficina na DIMAS, ora cu tin algo cla pa su persona. DIMAS su team ta sigui traha duro riba tur peticion nan pa tuma e decision nan mas pronto cu ta posibel. DIMAS ta gradici su cliente nan pa e comprencion.

Pa mas informacion general por manda esaki via website, via nos facebook page of pa caso nan individual por haci un cita na Help Desk of Juri Desk na DIMAS.

  • Lugo: 1132 Venezolano por vota na Aruba pa eleccion presidencial

    Lugo: 1132 Venezolano por vota na Aruba pa eleccion presidencial

    ORANJESTAD – Diadomingo awor un total di 1132 Venezolano na Aruba tambe por vota pa e eleccion presidencial di e pais andino. Asina e Consul Interino Amabél Lugo a confirma pa NoticiaCla diahuebs. E eleccion presidencial pa e termino 2019-2025 ta tuma lugar dia 20, y esnan cu ta inscribi den e registro Electoral permanente, por vota tambe e ora. Lugo a sigura e portal aki cu e preparativonan pa e proceso electoral ta canando bon.

  • Paskel: Ningun rato DIMAS a informa cu lo duna asilo politico awe

    Paskel: Ningun rato DIMAS a informa cu lo duna asilo politico awe

    ORANJESTAD – No tin ningun proceso di amnestia na vigor actualmente. Asina directora di DIMAS Kathy Ruiz Paskel a confirma diahuebs merdia na NoticiaCla. Esaki ta basa riba e fluho di centenares di persona Latino cu a acudi diahuebs mainta tempran na DIMAS keriendo cu nan lo a bin haya amnestia y of asilo politico. Un rumor fuerte cu a circula un dia anterior incorecto tabata informa cu esaki lo tabata e caso.

  • Presupuesto 2018 di RvA tin placa poni pa begrotingskamer caba

    Presupuesto 2018 di RvA tin placa poni pa begrotingskamer caba

    ORANJESTAD – Durante tratamento di presupuesto di e organo consultativo di Aruba (Raad van Advies) diahuebs mainta (17 mei 2018) Parlamento lo por haya claridad di e status di e asina yama ‘begrotingskamer’, y pa medio di pregunta, confirma si enberdad e begrotingskamer ta bira un hecho e aña aki caba, of cu ta sigui cu CAFT toch despues di 2018, manera cu Hulanda kier haci (pasobra nan no ta contento ainda cu e situacion financiero di pais Aruba). E hecho cu tin un suma di 160 mil florin presupuesta caba den e presupuesto di 2018, ta mustra cu cos ta ‘cla’ pa ‘cuminsa, pues parlamento mester haya claridad diahuebs riba e tema aki.

  • Contratista di Watty Vos Boulevard ta daña cable principal di cable tv y internet

    Contratista di Watty Vos Boulevard ta daña cable principal di cable tv y internet

    ORANJESTAD – Un biaha mas un contratista trahando riba e proyecto di Watty Vos Boulevard a causa daño na un cabel principal, causando un storing riba e servicio di internet y cable. Esaki a pone cu for di atardi tempran, varios barrio na Aruba a keda perhudica, sin señal di cable y of internet. Barionan manera Pos Chikito, Sabana Basora, Savaneta, Rooi Koochi, y Brazil a keda afecta. Anochi laat ainda e situacion no a remedia pa e habitantenan aki.

  • ATA satisfecho cu encuentro cu operadornan turistico di latinoamerica

    ATA satisfecho cu encuentro cu operadornan turistico di latinoamerica

    ORANJESTAD— Aruba Tourism Authority (A.T.A.) tabata anfitrion di un grupo di operador di biahe for di Latino America den cuadro di e conferencia LAPMA 2018 y ta satisfecho cu e encuentro. E tipo di encuentronan aki ta forma parti di A.T.A. su vision y plan di maneho pa sigui diversifica nos mercado y acentua e autenticidad di nos producto Aruba. Segun ATA, e participantenan a keda masha impresiona cu e avancenan cu Aruba a conoce na nivel di infrastructura y mercadeo, y tambe ta entusiasma pa loke tin planea den futuro, riba termino corto, mediano y largo.

  • WEB no ta kere cu perdemento di coriente ta sosode di mas

    WEB no ta kere cu perdemento di coriente ta sosode di mas

    ORANJESTAD – Director di WEB no ta kere cu asunto di perdemento di coriente ta ‘sosodiendo di mas’. “Mi no ta kere” Luis Oduber a bisa NoticiaCla durante un conferencia di prensa e siman aki. E ta un reaccion riba declaracion di prome minister y alavez minister di energia Evelyn Wever Croes cu a bisa e mesun mainta cu e tambe ta haya cu e situacion ta fastioso. Como tal Wever a bisa cu a pidi un investigacion pa wak kico ta pasando cu e problema di coriente ‘ta birando mucho frecuente”. Oduber a repasa cu ta 3 biaha coriente a bay di e forma ey, esta 2 luna pasa cu un ‘brown out’ y dos aña pasa cu Aruba a conoce su ultimo blackout.

  • Powered by SETAR