CNE: Dia 22 di april ta e fecha pa eleccion presidencial na Venezuela

CNE: Dia 22 di april ta e fecha pa eleccion presidencial na Venezuela

Posted on 02/8/2018 10:06 am AST | Updated on 02/8/2018 10:09 am AST

CARACAS – E poder electoral Venezolano a oficialmente pone fecha pa e proximi eleccion presidencial di e pais pa dia 22 di april 2018. Asina CNE (Conseho Nacional Electoral a anuncia diaranson. Esnan inscribi dia 20 di februrari, por participa na e eleccion. E organismo comicial ta activa un ‘jornada’ special di actualisacion di dato entre 10 y 20 di februari proximo. A duna como lapso pa candidatonan postula nan mes, pa entre dia 26 y 27 di februari proximo. E admision mientrastanto y rechazo di e postulacion lo ta entre 26 di februari pa 1 di maart. E campaña electoral pa e cargo di presidente ta cuminsa dia 2 di april y ta caba dia 19 di april, cu ta 17 dia pa e candidatonan por ofrece na e electorado, nan proyecto y plan na e pais.

ARUBA

Aki na Aruba tambe ta custumber cu Venezolanonan residencia por vota pa nan presidente. E informacion oficial di parti di consulado di Venezuela lo ta saliendo proximamente cu detayes pa e ciudadanonan di e pais bisiña. Asina NoticiaCla a compronde. 

 

 

  • Video di 2014 cu Meghan Markle promoviendo Aruba a ‘re-aparece’

    Video di 2014 cu Meghan Markle promoviendo Aruba a ‘re-aparece’

    NEW YORK/ORANJESTAD – E actriz Mericano Meghan Markle e fin di siman aki a casa cu Principe Harry di Inglatera. Mes momento diripiente video y potret di Markle a cuminsa aparece riba Facebook unda cu e ta manda mensahe pa Aruba. Hopi a kere cu e tabata un ‘stunt’ pa invita Markle pa pasa su luna di miel na Aruba. Pero CEO di oficina di turismo Ronella Tjin-A-Sjoe a confirma pa NoticiaCla den fin di siman cu e relato/video ta real, pero cu ta algo cu a tuma lugar na 2014 y no awor. Ta trata di un evento cu ATA a tene na New York durante un fin di siman deportivo pa e ‘Aruba Super Bar’ unda cu un cantidad di celebridad a bin hunto y papia di Aruba. Un di e artistanan tabata Markle. Awe, e video ey ta mustra su potencial, ya cu e persona mas conoci e fin di siman aki, a haci un ‘mencion’ di Aruba. Wak e video AKI. 

  • Merca a sanciona 3 Venezolano y 16 compania contra narcotrafico

    Merca a sanciona 3 Venezolano y 16 compania contra narcotrafico

    WASHINGTON/CARACAS (Reuters) – Merca a impone sancion contra 3 Venezolano y 20 compania pa actividadnan narcotrafico, purbando di pone presion riba presidente Venezolano Nicolas Maduro. Nan lo ta violando e asina yama Foreign Narcotics Kingpin Designation Act (Kingpin Act).  Ta trata di Pedro Luis Martin Olivares (Martin), Walter Alexander Del Nogal Marquez (Del Nogal) Y Mario Antonio Rodriguez Espinoza (Rodriguez) cu segun Merca, a asisti, provee financieramente of tecnicamente proviendo producto of servicio den sosten cu traficacion di droga internacional. Ademas a designa 20 compania na (16 na Venezuela y 4 na Panama) cu ta sea opera of controla pa e tres individuonan. “Nos lo nenga oficialnan di e regimen corupto Venezolano aceso na e sistema financiero Mericiano, mientras cu nos ta traha cu partnernan internacional pa sostene e pueblo Venezolano den restora e democracia y prosperidad”. Asina vice presidente Mericano Mike Pence a bisa, for di minister di Finansa Steven Mnuchin.

  • Santa Barbara airlines ta para su operacion definitivamente

     Santa Barbara airlines ta para su operacion definitivamente

    CARACAS (AP) — E aerolinea Venezolano Santa Bárbara Airlines a anuncia diahuebs ultimo cu nan ta para nan operacion definitivamente, afecta pa un crisis severo financiero cu a obliga nan pa reduci nan destinonan internacional drasticamente.

  • Merca a menciona 5 pais Caribense productor illegal di droga

    Merca a menciona 5 pais Caribense productor illegal di droga

    WASHINGTON – Gobierno Mericano a menciona 5 pais Caribense como ‘paisnan di mayor productor di droga illegal y of paisnan di transito” den su ultimo State Department International Narcotics Control Strategy Report pa 2018. E paisnan menciona ta Jamaica, Republica Dominicano, Bahamas, Belize y Haiti. Pa por ta riba e ‘lista aki’, e pais mester tin por lo menos 1.000 hectarea of mas di produccion di droga cultiva of cosecha pa aña, of mester tin 5 mil hectarea of mas di cultivacion illegal di Cannabis of a cosecha esaki den un aña.

  • Mucha ta hera muri gestik riba buelo di Aruba pa New York

    Mucha ta hera muri gestik riba buelo di Aruba pa New York

    SINGAPORE- Un mucha a hera muri di un alergia di pinda, riba un buelo di Aruba pa New York recientemente. Tabata den un relato cu e aerolinea Singapore Airlines a raporta, a haci mencion di e caso di Aruba. Singapore Airlines a bisa dialuna cu nan a stop di parti pinda como un snack abordo di nan buelonan. Un di e motibonan ta entre otro cu riba un buelo di Aruba pa New York riba American Airlines un mucha a hera muri di un atake alergico di pinda. E la saca, su wowonan a hinca y e no por a papia drechi. Pa loke ta Singapore Airlines mes, un criatura a sufri un atake alergico pa e mesun motibo, y asina tin mas relato. Otro aerolineanan tambe a stop di sirbi pinda. Quantas, Air New Zealand y British Airways tambe a stop. Di otro banda, a sigui si cu otro snacks manera cashews, macadamias y almendras ta sigui.

  • Interpol: Polisnan di Aruba a yuda libera 350 victima di traficacion di hende

    Interpol: Polisnan di Aruba a yuda libera 350 victima di traficacion di hende

    MIAMI/ORANJESTAD – Autoridad di Aruba (polis) tabata parti di un operacion internacional cu a logra libera 350 victima di traficacion di hende. Ta trata di un operacion den 13 pais Caribense y Latino Americano cu a tuma lugar recientemente. For di fuentenan di Aruba, NoticiaCla a compronde cu polis di Aruba tabata ‘envolvi den planeamento y ehecucion di e accion’. Mas informacion no por a duna. Awe Interpol oficialmente a publica e relato riba e accion cu a tuma lugar algun siman atras. E ACCION

  • Powered by SETAR