Corte ta declara miembronan FLPD no admisible, pero no por retira nan

Corte ta declara miembronan FLPD no admisible, pero no por retira nan

Posted on 02/7/2018 11:26 am AST | Updated on 02/7/2018 11:48 am AST

ORANJESTAD – Mientras cu Huez a dicta miembronan di directiva actual di Fundacion Lotto no admisible den nan caso contra gobierno, a ordena pa nan keda sinta te ora cu trata e caso den un ‘bodemprocedure’. Minister encarga cu deporte Dangui Oduber den su prome reaccion pa NoticiaCla ta lamenta e sentencia. “ Nos ta respeta e decision di huez. Nos ta kere den nos sistema hudicial pero ta lamenta profundo cu huez no toets loke ta para den e statuut” Oduber a bisa e portal aki den un prome pero corto reaccion. E mandatario ta planea pa duna un conferencia di prensa awe tardi riba e tema. Pues den e caso aki, mientras cu e miembronan di FLPD a keda declara inadmisible, nan ta gana den sentido cu por lo pronto no por mishi cu nan.

SENTENCIA

Huez den un sentencia dicta awe mainta, a declara miembronan di directiva di Fundacion Lotto pa Deporte no admisible den nan caso contra minister. Mes momento a ordena pais Aruba (minister) pa revoca e decision di dia 3 di januari 2018 pa retira e miembronan, te ora cu Corte dicidi riba e caso, bou di e condicion cu e bodemprocedure aki tuma lugar dentro di 4 siman cu e sentencia aki ta dicta. Ademas huez a ordena gobierno pa permiti e miembronan di directiva pa haci nan trabou como miembro di Raad van Toezicht pa e periodo di e bodemprocedure, y ta suspende e nombracion di dia 10 di januari 2018 di e miembronan nobo di Raad van Toezicht.

CASO

E caso a bin dilanti door di e directiva di FLPD pa bringa nan retiro duna pa e minister actual. E minister ta argumenta cu e mester retira e miembronan conforme proceso di ora cu un gobierno nobo drenta, pa asina por ehecuta e maneho di e gobierno nobo. Di otro forma e no por traha. Lesa e sentencia AKI

  • Reaccion di minister riba sentencia a laga sector hudicial preocupa

    Reaccion di minister riba sentencia a laga sector hudicial preocupa

    ORANJESTAD – Relaciona cu e sentencia di e siman aki di Fundacion Lotto pa Deporte contra minister di Deporte Dangui Oduber, varios persona den sector hudicial a reacciona cu asombro pa NoticiaCla riba e forma con un mandatario ta reacciona abiertamente contra un huez y e poder hudicial na Aruba. A haci esaki cu condicion cu no ta publica nan nomber y titulo. Fuera di e grupo aki, tin politiconan opositor  cu tambe a haci nan remarke, pero den e caso aki, a haci esey cu intencionan politico mas bien. 

  • Corte: Si minister Oduber stroba FLPD di haci su trabou, lo cobr’e multa

    Corte: Si minister Oduber stroba FLPD di haci su trabou, lo cobr’e multa

    ORANJESTAD – Pa cada biaha of dia of parti di dia cu gobierno no permiti of stroba e directiva di Fundacion Lotto pa Deporte pa haci su trabou, gobierno ta haya un multa di 2.500 florin, te na un maximo di 2.5 miyon florin. Asina huez a dicta den un sentencia diaranson den un caso cu e fundacion a entama contra gobierno di Aruba (lesa: minister di Deporte Dangui Oduber). Huez a haya legalmente proba cu despues di e sentencia di 7 di februari 2018, cu gobierno no a laga e fundacion haci su trabou (manera mester ta ) y a bay di acuerdo cu e fundacion pa impone un multa na gobierno si e continua stroba trabou di e fundacion. Algo cu normalmente huez no ta haci pasobra ta spera cu gobierno ta serio suficiente pa cumpli cu un sentencia di huez.

  • Sospechosonan di asesinato na Wayaca a haya 20 aña cada un di prison

    Sospechosonan di asesinato na Wayaca a haya 20 aña cada un di prison

    ORANJESTAD – Tur dos sospechoso di e caso di ladronicia y asesinato esta e Boneriano Jefferson E, y Po Sin F. a haya 20 aña di castigo di prison pa nan envolvimento den e caso. Fiscal a pidi 25 aña pero huez a reduci esaki cu 5 aña. Pues hunto a reparti 40 aña di prison pa e sospechosonan cu awe a keda sentencia como culpabel.

  • Ex minister Croes dilanti mesa berde dia 23 di mei proximo

    Ex minister Croes dilanti mesa berde dia 23 di mei proximo

    ORANJESTAD – Ex minister Paul Croes y 30 otro persona mester presenta dilanti mesa berde entre dianan 23, 24 y 25 di mei proximo. Esaki pa trata e caso Ibis den forma di un regie zitting. Vocero di ministerio publico Ann Angela a confirma pa NoticiaCla cu e fechanan aki ta reserva pa e caso aki, unda cu huez lo tende si defensa di e sospechosonan y OM tin pregunta pa investigacion, y palabra nan. Ademas lo stipula fecha pa trata e caso aki den contenido riba un fecha mas despues. E caso ta trata sospecho di soborno, falsificacion di firma y fraude, cometi pa tanto e ex mandatario como e otro sospechosonan. 

  • Baby Lunah ta bolbe gana caso contra AZV

    Baby Lunah ta bolbe gana caso contra AZV

    ORANJESTAD – Corte a ordena Uitvoerings orgaan AZV pa paga gastonan medico di Baby Lunah na Merca, tanto esun di e caterisatie di december ultimo, como e siguiente tratamento cu ta sigui e proximo lunanan. Asina e sentencia di 17 pagina ta zona cu ta un otro victoria pa Baby Lunah y su mayornan. Loke cu nan no a logra, ta pa AZV cubri gasto di e ambulance flight pa Merca pa a atende e conferencia medico unda cu Lunah lo a haya un inspeccion. Huez a rechasa tambe e demanda contra minister di Salud. Y finalmente, huez a ordena AZV carga gastonan di e caso.

  • Gobierno ordena pa sigui blokea tereno entre The Mill y ex House of Cheng

    Gobierno ordena pa sigui blokea tereno entre The Mill y ex House of Cheng

    ORANJESTAD – Corte a ordena gobierno di Aruba pa dentro di dos siman mas tarda, (sigui) blokea e tereno entre The Mill Resort y e ex ‘House of Cheng’. Solamente cu e biaha aki e mester wordo haci cu entre otro bloki grandi, y no solamente baricada di DOW. Asina huez a dicta den un sentencia den e caso sumario cu Aruba Birdlife Conservation (ABC) a cuminsa contra gobierno. Ademas huez ta prohibi gobierno pa otorga e tereno den erfpacht pasobra e ta viola e destinacion di e tereno cu ta protegi pa e Ruimtelijke Ontwikkelings Plan (ROP), cu ta vigente te 2019. E partido demanda The Mill, no ta valido ya cu a determina cu e compania den su forma registra na Camara di Comercio ta falliet.

  • Powered by SETAR