Ley pa Hulanda goberna St Eustatius acepta unanimamente

DEN HAAG – E concepto di ley cu ta regula e intervencion gubernamental di Hulanda na St Eustatius, a keda acepta unanimamente pa tanto Eerste como Tweede Kamer (parlamentonan di Hulanda). Secretario di estado Hulandes Raymond Knops ta biaha diaranson mainta pa St Eustatius pa participa e decision na tanto e comunidad, gobierno yu parlamento (bestuurscollege) di e isla.

E ley aproba ta dicta cu ta disolve parlamento y e diputadonan y ta destitui e gezaghebber interino di su funcion. Diaranson ta nombra un comisario di Reino cu lo goberna e isla temporalmente. Razon pa e intervencion ta e rapport cu e comision di sabio a emiti un dia prome. A constata mal gobernacion riba e isla. E prome reunion ta cu e miembronan di parlamento (bestuurscollege), sigui pa e ciudadanonan den un asina yama ‘Town Hall Meeting’. Eynan tambe e lo introduci e comisario di Reino. Despues e ta sigui pa St Maarten den cuadro di e reconstruccion di e isla despues di horcan Irma. Portret ©Hollandse Hoogte