Video clip di 'Machica' ta sigui score bon internacionalmente

DEN HAAG – E video clip di e cantica Machika di J Balvin, Jeon y Dj Chuckie ta sigui draai bon riba YouTube. E number a wordo mira 56 miyon biaha caba den dos siman di tempo. Y  siman pasa a drenta e American Hot Latin Songs chart na posicion number 10, pero a baha despues na # 14. Prensa Hulandes ta positivo riba e cancion y e storia rond di dje. Ta papia di e.o. Jeon su encuentro cu J Balvin, y cu DJ Chuckie a yuda cu e produccion. Pa J Balvin, ta di 11 biaha cu e cantante ta logra un cancion riba top 10. Recientemente e tabatin un exito grandi cu ‘Mi Gente’. Jeon mientrastanto a haci un bon papel den un entrevista cu e FunX-dj Fernando Halman riba e portal Nandoleaks.com. E bon ta cu Jeon (Jonathan Thiel) ta haya reconocemento como e autor di e version original di Machika, canta na papiamento.