Hulanda y Statia den disputa cu otro riba intervencion

Hulanda y Statia den disputa cu otro riba intervencion

Posted on 02/6/2018 3:00 pm AST | Updated on 02/6/2018 3:01 pm AST

DEN HAAG – Tweede Kamer di Hulanda ta sostene descion di gobierno Hulandes pa interveni na St Eustatius. Pero gobernantenan di e isla mes ta desapunta den e decision. Durante un debate na Hulanda cu secretario di estado Hulandes Raymond Knops, partidonan politico a conclui cu no tabatin otro alternativa pa interveni. Parlamentario di St Eustatius mientrastanto Charles Woodley ta opina cu Hulanda a ignora nan y no ta(bata) contestando nan plegaria pa ayudo. Dialuna Hulanda a tuma decision pa interveni y goberna e isla te proximo aviso debi na ‘desorden politico’.

HULANDA

Tweede Kamer ta haya e decision tuma necesario.” E gobierno (di e isla) mes a pone su mes den e situacion ey, door di actua ilegalmente” parlamentario van Raak (SP) a bisa. E ta haya corecto cu e mandatario responsible pa asuntonan di Reino a bay di acuerdo pa yama si ta posibel, eleccion mas lihe posibel, pa e pueblo haya su poder bek.

WOODLEY

Di otro banda, diputado di e isla Charles Woodley y esun responsible pa finanza ta desapunta den e decision di Hulanda, segun e portal Nu. Nl. Segun Woodley, e accion di Hulanda tabata bisto pero nan ta haye completamente incorecto. Woodley ta haya cu no por culpa e gobierno pasobra ta Hulanda mes a impone un CFT, y nan (CFT ) mes no ta papia di mal maneho financiero. “Hulanda no ta contesta nos preguntanan, y ta ignora nos gobierno”, Woodley a bisa. Segun e mandatario local, masha tempo a pidi pa placa pa e.o. drecha caminda. E gobierno di Statia mester a reuni dialuna y diamars internamente y atende esaki cu abogadonan riba con pa atende cu e situacion. Eventualmente nan tin pensa di pidi atencion internacional pa e caso.

 

  • Gobierno Hulandes a garantiza suministro di coriente y gasoline pa Bonaire

    Gobierno Hulandes a garantiza suministro di coriente y gasoline pa Bonaire

    DEN HAAG – Gobierno Hulandes a tuma medida pa garantiza suministro di gasoline y coriente na Bonaire, despues cu e compania Mericano ConocoPHillips a confisca e reservanan di petroleo di e lugar local di almacenahe. Asina secretario di estado Hulandes Raymond Knops a bisa e partner di noticia Caribisch Netwerk diaranson. E terminal di petroleo BOPEC ta importante pa produccion di electricidad di habitantenan di Bonaire.

  • Comunicacion cu Venezuela ta solamente via Valencia y Punto Fijo

    Comunicacion cu Venezuela ta solamente via Valencia y Punto Fijo

    CARACAS/ORANJESTAD – Comunicacion aereo y maritimo cu Venezuela ta solamente via Valencia, estado Carabobo y Punto Fijo, estado Falcon por lo pronto. Mientras cu enberdad e relacion entre Venezuela y islanan ABC a ‘normaliza’ dialuna, esaki no kier men cu e trafico aereo y maritimo ta reanuda manera antes, usando p.e e aeropuerto di Maiquetia na Caracas y tur otro waf cu tabata uza antes. NoticiaCla a confirma cu su fuentenan cu e unico aeropuerto cu por usa pa yega y sali di dje na Venezuela ta esun di Valencia, esta aeropuerto Arturo Michelena, y pa waf por uza solamente esun di Punto Fijo, esta waf di Guaranao pa e islanan ABC. Esaki ta pa duna tempo pa por conforma e comisionnan mixto cu a palabra den e acuerdo. Tanten ta uza solamente e dos puntonan di salida di Venezuela.

  • Prome buelo comercial a sali di Venezuela pa Aruba

    Prome buelo comercial a sali di Venezuela pa Aruba

    CARACAS/ORANJESTAD - E prome buelo comercial di Aruba pa Venezuela a tuma lugar dialuna atardi caba, cu tabata e avion di Aruba Airlines for di Valencia. Pa e ocasion ey, tabatin e delegacion di gobierno Venezolano lidera pa minister di transporte Carlos Osorio y e director di e aereoliña. 

  • Acuerdo firma entre Venezuela y Hulanda ta data di aña 2013

    Acuerdo firma entre Venezuela y Hulanda ta data di aña 2013

    CARACAS/ORANJESTAD – Mientras cu Venezuela y gobierno di Reino Hulandes a firma un documento diasabra cu a resulta den reapertura di e frontera entre e paisnan menciona, e documento original ta data di 2013 caba. Ademas, ta considera esaki tambe parti di e acuerdo palabra na januari di e aña aki. Asina e vice presidente di Venezuela El Aissami a bisa riba su cuenta twitter.

  • Relacion entre islanan ABC y Venezuela a normaliza atrobe

    Relacion entre islanan ABC y Venezuela a normaliza atrobe

    CARACAS/ ORANJESTAD –Despues di un reunion largo entre vice presidente di Venezuela Tareck El Aissami y e minister di relacionnan exterior Hulandes Stef Blok, e vice presidente den un conferencia a anuncia cu ta elimina e blokeo entre Venezuela y islanan ABC, pero ta sigui cu un bon control pa evita contrabanda di e islanan. “Nos ta cuminsa un etapa nobo”, El Aissami a bisa. “Tur loke e islanan (ABC) mester, nan lo haya cu apoyo di Venezuela. E ta un acuerdo historico” El Aissami a sigui bisabisa. “Cuminsando awe ta cuminsa e proceso pa normaliza e relacion maritimo y area cu e islanan ABC” e vice presidente a finaliza bisando.

  • Sint Maarten tin coalicion nobo

    Sint Maarten tin coalicion nobo

    PHILLIPSBURG – St Maarten tin un coalicion nobo. Partidonan UD i SMCP a firma un acuerdo di 8 asiento den presencia di formado Theo Heyliger diahuebs anochi. Mas informacion no tabata conoci. Potret cortesia Luc Mercelina.

  • Powered by SETAR