Bikker: Actual Alto Comisario Richardson lo dirigi ‘Interpol Aruba’ fin di februari

ORANJESTAD – Entrante 1 di maart e actual hefe maximo di polis, Dolfi Richardson, mester ta na cabes di e departamento nobo; Interpol Aruba. Por lo menos esey ta e ‘streefdatum’ cu Minister di Husticia Andin Bikker tin poni. Cu esey tambe, ta bin un vacatura oficial pa un alto comisario nobo entrante e fecha ey, esta 1 di maart proximo. Asina e mandatario di husticia a informa durante su conferencia di prensa di gobierno. Mientras a anuncia cu entrante e fecha ey, lo instititui tambe un ‘interim korpsleiding’ pa periodo di un aña. No a haci mencion di nomber di ken tur ta forma parti di e leiding ey. E periodo di e ‘team’ aki ta pa un aña, pa durante e periodo ey, por traha riba e proceso di solicitud pa un hefe maximo nobo di polis.