JetBlue a ofrece pasashi New York-Aruba pa 80 dollar awe

ORANJESTAD/NEW YORK – E aerolinea JetBlue a ofrece pasaheronan Mericano pasashi pa Aruba for di New York pa apenas 80 dollars ‘one way’ of 160 dollar round trip. E tabata un dia di locura diahuebs cu a dura te apenas merdia. Pasaheronan por a cumpra esaki cuminsando for di 20 dollar pa ruta, dependiendo e destinacion. Pa Aruba, esaki a cuminsa na 80 dollar for di New York. Claro cu tin cierto regla ta aplica, pero asina mes e ta asina barata cu hopi hende ta probecha di dje. E ta algo conoci di e aerolinea cu ta yama esaki Flash Sales.