Ruiz-Maduro: A pidi conseho legislativo riba dilema di douane

ORANJESTAD – No ta cuestion cu gobierno no kier sinta cu douaneronan riba nan asunto di convenio salarial. Asina minister encarga cu douane Xiomara Ruiz Maduro a contesta e sindicato diahuebs mainta. Ruiz Maduro a splica e sindicato SADA cu nan tin apenas 3 luna den gobierno, y cu a dura un rato prome cu nan por a actualisa nan mes riba e tema. Dia 22 di januari 2018 porfin gobierno a haya e documentacion y conseho riba e tema al caso. “Riba e mesun dia mi a manda esaki pa conseho di minister pa atende cu esaki” Ruiz a bisa. E siman aki a atende e topico den e conseho di minister y a pidi conseho di dept legislativo, pakico e pagonan no a wordo haci, y ademas ki precedencia esaki lo crea si paga esaki tambe na esnan cu no ta douanero. A pidi tempo pa por atende esaki, y cu e siman aki esey lo a bira dificil mirando cu ta trahando riba presupuesto di pais Aruba.