Famianan desconecta di awa y coriente lo haya meter prepago

ORANJESTAD – Famianan desconecta di awa y coriente lo haya meter prepago proximamente. Asina prome minister Wever Croes a anuncia den un conferencia di prensa. Segun e mandatario, tin basta famia di cual nan awa y coriente a wordo corta. Gobierno a bisa cu nan kier baha gasto awa y coriente y hacie accesible pa tur hende. “Esaki ta algo facil pa bisa y mas dificil pa haci” segun e mandatario. Como tal den conseho di minister a discuti esaki y a yega na un situacion/solucion pa famianan cu no tin coneccion aworaki. Danki na contribucion di WEB/ELMAR, lo bay duna fondonan, cu via un control di screening social lo haya e ayudo coneccion mesora den estilo di meter pre-paga. Sinembargo no por a duna un bista di con grandi e fondo lo ta. E clientenan en cuestion ta haya un areglo di pago pa e suma cu ta habri. E hecho cu tabatin miles di famia den scuridad sin awa y coriente.