Oceania a para caso contra gobierno pa expansion di hotel

ORANJESTAD – E desaroyadornan di e proyecto hotelero OCEANIA a ‘drop’ e caso den corte e siman cu a pasa. Minister encarga cu infrastructura Otmar Oduber a confirma esaki diaranson mainta durante un conferencia di prensa.

CAMBIA PERMISO

Segun Oduber, ta su ex colega di infrastructura Benny Sevinger a cambia e reglanan permitiendo pa e proyecto di Oceania expande su cantidad di camber, den forma di e ‘dichtheid’ y tambe ’haltura’ na e compania operador ‘The Sands’ caminda un erfpact pa 120 condominium a bira den 840 camber di cual 600 y pico tabata all inclusive y 200 y pico tabata timeshare. “E tempo ey e maneho di e minister riba un 20 di october DIP a manda un carta pa e minister, y e minister ta firma esaki. Pero si mira e overeenkomst, ta mira cu ta trata di 1 di October, cu ta un anti datering di e overeenkomst” Oduber a bisa.

CARTA

Gobierno ‘nobo’ a manda un carta pa e desaroyadornan bisando cu e acuerdo cu e gobierno anterior ta wordo declara nulo, pasobra e la sosode den un periodo cu e gobierno anterior no por a mara e gobierno actual cu algo asina. E compania a dicidi e ora pa hiba gobierno corte, pero siman pasa a opta pa retira e caso aki.