DIP ta presenta maneho nobo aki dos siman pa por ricibi tereno

ORANJESTAD - Dentro di dos siman, Directie Infrastructuur en Planning (DIP) lo publica e proceso nobo pa cana pa ricibi tereno comercial y vivienda y cambio riba tereno, precario vergunning. Mientrastanto tur trabou na DIP ta para. Asina e minister responsabel pa e departamento, Otmar Oduber a anuncia. Tur esaki ta wordo publica, contrario na antes cu hende no tabata sa kico mester a haci y con e caminda mester a wordo cana. Tur documento mester keda registra na DIP. Lo cana e proceso pa mas. E mandatario a comparti p.e. cu 20 pa 30 whatsapp e ta ricibi pa dia pidiendo pa sinta cu minister pa asunto di tereno. Tambe lo saca manual pa bouwvergunning. Pa loke ta permisonan pega, a raporta awe cu tin por lo menos 460 permiso pega, di cual varios ta ta surpasa un aña na DOW.”Esaki mester ta pa pasado. Foto ta uno di archivo di caso di tereno cu a bay corte pa otorgamento incorecto segun Aruba Birdlife Conservation, cuestionando DIP dos aña pasa.