Guardian Group Fatum un biaha mas presente na Expo Cas 2014

ORANJESTAD - Guardian Group Fatum ta un di e companianan cu e aña aki lo no keda afo pa loke ta e weekend di Expo Cas 2014. Manera tur aña Guardian Group Fatum lo tin su team profesional presente e weekend aki di 26, 27 y 28 di september na Renaissance Convention Center y asina yuda engrandece Expo Cas un biaha mas.

Durante e 3 dianan di Expo Cas 2014 e team di Guardain Group lo t’ey pa duna informacion di tur nan productonan pa e mercado di Aruba. Guardian Group Fatum su lema ta pa haci e bida di su clientenan mas facil. Nan productonan ta diseña pa haci esaki posibel. Durante Expo Cas e team bon prepara di Guardian Group lo duna informacion na e bishitantenan di nan productonan manera seguro di biahe, hipoteca , seguro di cas , mobilario , auto , accidente personal , pensioen , transporte , marine y hopi mas. Si bo persona tin pregunta cu ta rekeri di mas tempo y/of kier mas informacion personal, Guardian Group Fatum ta invita comunidad pa pasa cerca nan booth nr. 30 yena bo nomber y un representante lo ta presente eynan mes pa traha un cita of yama bek pa haci un afspraak na e momento mas conveniente pa bo persona.

Guardian Group Fatum su team ta warda comunidad completo na e booth nr. 30. Na e booth lo tin tambe material disponibel pa hiba bo cas y asina pasa un biaha mas door di e productonan. Tambe cu e material aki bo por bishita Guardian Group Fatum su oficina y ricibi 10% di descuento ora di aplica pa un seguro di cas. E promocion aki lo ta valido te cu 31 di januari 2015.

Guardain Group Fatum , live easy, ta warda bo e weekend aki na Expo Cas 2014, booth nr. 30