Bikker: Otro siman por anuncia cambionan temporal pa top di polis

ORANJESTAD – Pa fin di siman aki, gobierno lo dicidi kico specifico lo sosode cu futuro di e actual mando di polis Dolfi Richardson, y ken(nan) lo reemplaza e person pa un periodo di un aña, mientras cu ta busca un persona definitivo pa bira e Alto mando di polis nobo pa KPA. Asina e minister di husticia Andin Bikker a informa prensa den un conferencia di prensa. E no ta descarta cu pa diabierna e decision por cay den un reunion di conseho di minister proximo.

CAMBIO DI KC

Manera ta conoci, ta for di aña pasa juni, cu e actual hefe maximo di polis Richardson a pidi pa cambio di funcion, y cu esaki a keda anuncia. Sinembargo e loke mester a tuma lugar segun e actual minister di husticia, no a tuma lugar. Esta pa gobierno regla e posicion nobo di Richardson na luna di September.