Aumento di detencion na parada di mucha na Playa

ORANJESTAD – E cantidad di detencion na final di Caiso & Soca Monarch di e aña aki (2018) a baha, mientras cu e detencionnan durante parada di mucha di Playa a subi. Asina vocero suplente di polis Liliana Rasmijn a confirma pa NoticiaCla dialuna. Den caso di Caiso y Soca Monarch, tabatin ‘solamente’ 2 detencion compara cu aña pasa unda cu tabatin 9. Den caso di parada di mucha na Playa, esaki si a aumenta cu 10, ya cu aña pasa tabatin 6 detencion y e aña aki tabatin 16. Ademas a parti 2725 florin na boet, pero no a cuantifica esaki na cuanto boet esaki tabata.

AÑA PASA

Un aña pasa ainda, polis tabata contento y a raporta cu danki na nan ’maneho strategico enfoca riba prevencion tabata dunando bon resultado. Polis cu menos detencion durante Parada di Mucha. A nota un reduccion di 50% den cantidad di detencion y multa’, e raportahe a bisa aña pasa. No ta conoci si polis a cambia nan strategia y of si simplemente tabatin mas detencion, aunke cu tabatin un maneho strategico. Foto archivo NoticiaCla y KPA.