Tres participante di Aruba a pasa pa final di Tumba Corsou

ORANJESTAD – Cu excepcion di un, tur e participantenan di festival di Tumba na Corsou di Aruba a clasifica pa e final di diabierna awor. Ta trata aki di Chendell Beamont, Rocco Franken y Quincy Hasham. Tanto Beamont como Franken ta cu e banda Buleria di Aruba, mientras cu Hasham a presenta cu e banda di Corsou, WESU. Mester menciona acerca cu tur e participantenan di Buleria (2 di Corsou) a pasa pa final, cu sigur ta un logro grandi.

FINAL

Pa loke ta Chendell Beamont, e ta bay cu su propio composicion, Rosea ,Rocco Franken cu composicion di conocido tumbero di Corsou Hendrik de Windt,

‘Hey’, y Quincy Hasham ta bay cu composicion di e legendario Ced(rik) Ride(rplaate). E unico persona di Aruba cu no a clasifica ta John Francis Jacobs cu toch a duna un bon presentacion y a representa Aruba dignamente. E final ta diabierna awor den Festival Center.