Rudy Croes a lansa su buki ‘E hombr’i pueblo' completo na papiamento

Posted on 01/25/2018 6:27 pm AST | Updated on 01/25/2018 6:29 pm AST

ORANJESTAD – Despues cu e mes a sigui cursonan intenso di nos lenga materno Papiamento, el a sigui pa skibi un buki completamente na Papiamento. Cu ayudo di su docentenan y otro personanan importante, ex minister Rudy Croes a presenta su buki ‘E hombr’i pueblo, durante un evento special na biblioteca nacional e siman aki. Dunando honor na varios legendario linguista y otro personanan cu a destaca riba e tema, maestro di ceremonia Mirto Laclé a conta nan historia y anecdota. A sigui docentenan Candy Dirkz y Sue Ann Ras, cada uno dunando nan propio interpretacion di e buki, y a sigui sr Yarzagaray cu tambe a toca parti di e historia. Na final Croes a entrega un copia di e buki na baluartenan cu p’e tabata di importancia y a sigui cu musica di Grupo di Betico, di cual Croes mes ta forma parti. Notable tabata presencia di grandinan den e mundo literario y sigur esnan di e idioma papiamento.

  • Powered by SETAR