Aruba a celebra fecha natalicio di Betico Croes dfm

ORANJESTAD – Aruba a celebra e fecha natalicio di su libertador Betico Croes dfm diahuebs. Si e tabata na bida, e lo a celebra su di 80 cumpleaños. Manera custumber, gobierno durante un ceremonia protocolario a ofrece ofrenda floral na su estatua, y prome minister di Aruba a hiba un discurso riba e tema. Tambe a devela un dedicatorio/plakaat na honor di Betico Croes dfm. Notable ta cu di partido di oposicion, tabatin apenas 1 miembro di parlamento cu a haci acto di presencia. Despues den curso di dia, varios bario a celebra den nan propio forma e fecha importante aki. Ta for di 1992 ta celebrando e fecha nacional aki di Betico Croes dfm. Mientras cu pueblo tabata celebra e fecha na su honor, esnan cu pueblo a eligi pa representa nan den tanto parlamento como gobierno, tambe a bishita varios lugar manera den e caso aki, cede di MEP (siendo e gobierno na mando), plaza libertador na Santa Cruz y tambe e dependence na San Nicolas. Anochi pueblo a keda invita pa bishita Plaza Betico Croes pa un anochi cultural.