Departamento di Aduana su siman di Aduana ta den full swing

ORANJESTAD - Manera ta tradicion caba pa hopi an?a Cuerpo di Aduana a bin ta celebra nan siman di Aduana na final di januari. E an?a aki no tabata un excepcion. Pa e an?a aki a toca na Aruba pa host su hermana islanan Corsow y Bonaire pa e celebracion di Dia Internacional di Aduana 2018.

Cuerpo di Aduana completo ta jama Bon Bini y Danki na e delegacion di coleganan Aduanero di Corsow y Bonaire cu a bin celebra cu e coleganan di Aruba e siman Internacional di Aduana 2018.

E commission International Douane Dag a bin ta traha duro durante full 2017 pa asina recauda fondo door di organiza diferente actividadnan entre otro un exitoso bingo y un exitoso Festival di Ranchera.

E siman di Aduana a start dialuna 22 di januari cu un tremendo Jump Inn na hoofdkantoor unda cu diferente seccion y afdeling a manda nan representantenan pa competi pa e titulo maximo di Reina di Carnaval di Douane 2018. Pa afdeling Algemene Zaken y Staf a participa sra. Adriana Hieroms, pa Sectie Luchthaven Vracht a participa sra. Shajaira Hayer, pa Sectie Stad a participa sra. Aileen Sierra y pa Sectie DRI a participa Denice Kelly. Mesun cos cu an?a pasa e titulo maximo di Reina di Carnaval di Douane a bai pa Sectie DRI den nomber di Denice Kelly. Gerencia, Staf, Personal y Cuerpo di Aduana ta jama pabien na tur 4 participante cu a sa di trece un ambiente di Carnaval tremendo!

Riba diamars 23 di januari a tene e famoso “Prikdag” unda cu tur empleado di tur seccion tabatin e oportunidad di hasi un “Health Check” consistiendo di test di sucu, presion y por a test wowo. Un danki special ta bay na e studiantenan di Xavier University y Aruba Vision Center pa hasi e dia aki uno exitoso. Anochi tabatin un tremendo anochi deportivo cu entre otro weganan di zaalvoetbal, volleybal y biljart.

Diaranson 24 di januari lo bay tin un torneo di bowling unda personal y diahuebs 25 di januari lo bay tin torneo di softball unda cu Aruba lo bay tin tambe un team di damas ta competi.

Diabierna 26 di januari lo tin e misa tradicional di Dia di Aduana, esaki lo tuma lugar na misa di Sta. Cruz. Y anochi lo tin un fiesta cu e tema di Mardi Gras pa e personal di Aduana. Riba diasabra 27 di januari lo clausura e siman di Aduana cu un after party na The Palm Island.

Director di Aduana, Gerencia, Personal y e Cuerpo di Aduana ta gradici tur miembro di e Commission International Douane Dag encabeza pa su voorzitter sr. Giovanni Davelaar pa tur e esfuersonan hasi y un tremendo programa.