Interpark Coney Island ta contento di por ricibi grandi y chikito!

(ADVERTORIAL)

ORANJESTAD - Interpark Coney Island ta contento cu pueblo di Aruba ta cla pa bin disfruta di e parke y gosa di tur e attractionnan cu e parke tin pa ofrece. Interpark sin duda algun a sa di percura pa e parke ta uno cu ta cumpli cu tur regla di seguridad pa asina tanto grandi y chikito cu bin pasa un rato cu famia den e parke, por haci esaki den tur trankilidad y den un atmosfera sumamente agradabel. No ta un secreto cu na Aruba no tin muchu actividad pa nos muchanan, pesey pa Interpark ta un placer pa por habri su portanan pa e comunidad di Aruba bin haci algo differente mirando cu ta trata aki di e coney island mas grandi cu a yega di bishita nos isla. Despues cu pa motibonan imprevisto e parke a keda sera pa dos dia, awo tur cos ta sigui den total normalidad na unda cu tur dia for di 6or di atardi un y tur por acudi na e parke. Mirando cu nos tin un fin di siman largo nos dilanti, Interpark Coney Island ta invita pueblo di Aruba henter pa bin pasa un rato dushi cu famia den e ciudad di diversion. Entrada ta costa solamente 5 florin. Banda di esaki Interpark kier pone enfasis riba e importancia di seguridad pa e parke y ta convenci cu una vez cu pueblo di Aruba bin e parke, nan mes lo por mira con bon e parke aki ta. Interpark a pasa tur inspeccion necesario di e autoridadnan concerni y ta garantisa pueblo di Aruba cu lo sigui percura pa tur cos cana manera mester ta. Pa finalisa, e parke kier gradici pueblo di Aruba pa e gran enthusiasmo ya ricibi y e gran interes pa bishita e parke. Bishita pagina di fb Interpark ConeyIsland Aruba pa bo keda altanto di differente promotion cu e parke lo ofrece.