Wever: Tanten cu no tin documento firma, no por reuni

ORANJESTAD – Tanten cu no tin un documento firma, no por tin reunion (entre Venezuela y islanan ABC). Esaki pasobra reunion supuestamente mester trata specificacion di e palabracion haci. Y den un declaracion di prome minister Evelyn Wever na NoticiaCla awe mainta el a bisa “Nos ta en espera di e documento firma di parti di Venezuela” confirmando e informacion di e portal aki. Manera ta conoci e portal aki awe mainta a raporta caba cu e reunion cu mester a tuma lugar awe na Aruba entre Venezuela y demas partido, pero cu esaki a keda cancela.

SIMAN PASA

Wever Croes a recorda cu ta diabierna ultimo tabatin reunionnan hopi fructifero y a yega na palabracionnan. ” Venezuela a keda di confirma e palabracionnan y nos ta en espera di esey. Despues por reuni riba tereno tecnico manera a keda aproba siman pasa” Wever Croes a sigui bisa. “Na Aruba nos ta vigilando e situacion na Venezuela di cerca pa nos ta prepara riba cualquier eventualidad. Mientras tanto mi ta enfatisa cu e conseho pa biahe pa Venezuela ta pa si bo no mester bay, no bay”. Te aki e declaracion oficial di e prome mandatario na e portal aki.