Carlos Vives i Sean Paul parti di CNSJ 2018 na Corsou

Carlos Vives i Sean Paul parti di CNSJ 2018 na Corsou

Posted on 01/17/2018 10:40 pm AST | Updated on 01/17/2018 10:42 pm AST

WILLEMSTAD – Organisadornan di Curacao North Sea Jazz Festival a anunsiá awe niun hende ménos ku Jason Derulo, Carlos Vives i Sean Paul cu lo bini Corsou pa Curacao North Sea Jazz Festival 2018. Tambe por anuncia binida di Spyro Gyra i e Trio Michel Camilo. Organisashon di CNSJF ta trahando riba diferente otro artista. Lo anunsiá e artistanan aki den kurso di lunanan benidero. E di ocho edishon di e festival lo habri djaweps 30 di ougustus ku konsiertonan grátis den World Trade Center. Ya a keda konfirmá pa e anochi di apertura en todo kaso Silvestre Dangond.

Promé ku el a anotá bou di su mes nòmber algun éksito, e outor, kantante i bailarin Jason Derulo ya tabata komponiendo pa otronan. Despues di piesanan pa nòmbernan ku ta zona manera Lil Wayne, Pitbull, Diddy i Sean Kingston el a hasi su mes famoso na 2009 ku su promé disko sengel Watcha Say ku a resultá di ta na Merka direktamente na number un. Entre tanto Derulo a bende mas di 50 mion ehemplar ku a resulta 27 bes den platina, e bistasonan riba You Tube i streams den Spotify ya pa basta tempu kaba a surpasá e borde di mil mion ehemplar.

E kantante kolombiano, kompositor i aktor Carlos Vives a bira famoso komo strea den telenovelanan kolombiano i portorikeño. Aunke ku ya na edat hóben el a saka tres álbum ku balada, musikalmente el a bira popular despues di haña un ròl na televishon di e papel di e kompositor di vallenato Rafael Escalona. El a kanta e piesanan den e mesun serie aki i el a haña ku e dos pistanan original di sonido di e serie a bira éksitonan nashonal. Despues di esaki a bai e masha bon mes ku su kareda musikal. Na 2001 el a risibí pa su álbum Déjame Entrar su promé Grammy Award dor di ta e mihó Traditional Tropical Latin Album (Album tropikal tradishonal latino). Vives ta kombiná vallenato tradishonal ku elementonan di rock i e ta sigui saka álbum eksitoso. Ademas e ta hasi regularmente gira i e ta usa su eksperensia i konosimientu komo guía den e vershon kolombiano di The Voice. Na 2017 el a saka su di 15° álbum Vives, ku tin riba dje e éksito La Bicicleta, huntu ku e kantante femenina Shakira. 

Despues di su promé éksito Gimme The Light na 2003 Sean Paul a bira popularísimo ku e piesa Get Busy i el a ripití esaki ku e piesanan We Be Burnin' i Temperature. Kooperando ku diferente otro artista el a sigui su ruta di éksito, di tal manera el a optené éksitonan ku Beyoncé Baby Boy, Enrique Iglesias Bailando, Sia Cheap Things i hopi otro mas. Entretanto Sean Paul a para bira un di e artistanan di salon di baile mas grandi di e epoka aki.

E banda di fusion di Jazz Sypro Gyra a alkansá eksito ku su di dos álbum Morning Dance na 1979, yegando na e nivel di platina i dos di su piesanan mas konosí entre otro ku e título Song For Lorraine. Entre tanto Spyro Gyra a produsí trinta álbum i a bende mas di dies mion di ehemplar. E banda ta kombiná Rythm and Blues i elementonan di Pop i músika karibense i Jazz i esaki ta funshoná, Billboard a aklamá nan como e artistanan di Jazz mas eksitoso di añanan 80.

Pianista i kompositor Michel Camilo mirá pa hopi komo un embahador di jazz latino, ta moviendo ya pa basta aña. Den añanan 80 kosechado tantu eksito komersial komo elogio di e krítikonan di jazz pa su dominio virtuoso di teklado di piano. A sigui masha hopi konsierto riba tarimanan prestigioso i na 2003 el a risibi un Grammy Award pa su álbum Live At The Blue Note.

E kantante kolombiano i a la bes instrumentalista Silvestre Dangond a manifestá ku su propio, vershon nobo di vallenato, un estilo di músika tradishonal di e parti karibeño di Colombia. El a forma primeramente un ekipo ku e akordeonista Ramon López i despues tambe ku e akordeonista Juancho de la Espriella ku huntu kuné el a graba shete álbum eksitoso i ku pronto el a kambia bira e akto mas grandi di e vallenato di e pais. For di e obra La 9a Batalla, su álbum di 2013, Dangond ta bira un artista solista, pero e ta sigui komandá e lista di éksitonan musikal. Su último álbum Gente Valiente a sali aña pasá. NOTA: Ortografia ta di Corsou. Potret.  Carlos Vives cortesia www.semana.com

  • Corte a lanta beslag di ConocoPhillips na Corsou y Bonaire

    Corte a lanta beslag di ConocoPhillips na Corsou y Bonaire

    KRALENDIJK/WILLEMSTAD – Corte na Corsou y Bonaire diabierna atardi a lanta beslag parcial di ConocoPhillips. E mester sosode di tal forma cu por tin suministracion di coriente y gasoline riba ambos isla. Loke si huez a determina ta cu e pago pa suministracion di e productonan, mester bay riba un cuenta separa, unda cu e placa mester para te ora cu tin claridad di ken mester ricibi e placa. Sea ta ConocoPhillips of PDVSA. Hueznan di e dos islanan a ordena PDVSA pa sigui suministra petroleo. E hueznan den nan sentencia a considera cu ConocoPhillips tin motibo hustifica pa claim PDVSA, pero cu un disputa comercial entre e dos companianan aki no por desrumpi henter un comunidad pa scarsedad di gasoline y coriente. Como tal a dicta e sentencia pa tene cuenta cu ambos interes.

  • Richard Gibson presidente and General Managing Director di Ennia Caribe Holding N.V.

    Richard Gibson presidente and General Managing Director di Ennia Caribe Holding N.V.

    WILLEMSTAD – Richard Gibson a keda apunta como e proximo presidente y gerente general di Ennia Caribe Holding NV, reemplasando Ralph Palm cu ta subi e Board of Supervisory Directors of Ennia Caribe N.V. y fungi como e consehero strategico senior. Gibson tin un trayectoria largo den mundo di empresa priva y tambe como abogado. E tabata chairman of the board di St. Maarten Commercial Bank, miembro di Supervisory Board Directors di RBTT Bank, y Chairman of the Board di Nagico Insurance N.V.. E tabata entre otro minister di finanza tambe na St Maarten.

  • Sting, Christina Aguilera y Shaggy den CNSJ 2018

    Sting, Christina Aguilera y Shaggy den CNSJ 2018

    WILLEMSTAD - Christina Aguilera, Sting y Shaggy ta e ultimo tres nombernan pa e alineacion pa Curacao North Sea Jazz 2018. Ku masha orguyo i ku un plaser inmenso nos por anunsiá e último artistanan ku lo bai hasi e alineashon kompletu di Curacao North Sea Jazz Festival di e aña akí. Djabièrnè 31 di ougustus nos lo yama un bes mas bon biní na e fenómeno musikal Sting riba nos isla., ku lo keda akompañá riba tarima pa niun hende otro ku no ta Shaggy. Nan dos ta forma huntu e klousura fenomenal i fabuloso riba e tarima ku ta hiba nòmber di Sam Cooke. Anto e dia despues riba djasabra niun hende ménos ku e artista Christina Aguilera lo presentá riba tarima Sam Cooke. Ademas di esei ta un plaser pa notifiká ku tambe lo presentá riba e mesun djasabra ei otro artista di taya ku yama CeeLo Green ku lo duna su presentashon riba e tarima Sir Duke. Sting ya pa hopi dékada ta un di e nòmbernan musikal di mas grandi mei mei di género di músika, pa e simpel echo ku el a risibí no ménos ku 16 galardon Grammy Awards i di por a bende en total kasi 100 mion di álbum huntu ku The Police i komo guitarista solista. E artista hamaikino Shaggy a hasi un hasaña riba su mes pa fortalesé popularidat di e ritmo di reggae i di dancehall, ku éksitonan manera Oh Carolina, Mr. Boombastic, It Wasn’t Me i e piesa Angel. Aunke ku na promé bista kisas lo bo haña impreshon ku e kombinashon di e dos personanan akí ta parse di ta un kombinashon no realístiko, de fakto i en realidat e kombinashon di e dos personanan akí a resultá di ta musikalmente un kombinashon musikal perfekto. E plan original ku Sting lo a kontribuí den un di e númeronan di Shaggy a resultá den e piesa Don’t Make Me Wait, ku a bira tambe e promé disko sengel kaminda nan dos a toka huntu. E kombinashon akí a kai den asina bon tera, ku Sting i Shaggy a kontinuá ku e racha triunfante akí. E resultado tabata: nan álbum nobo tokando nan dos huntu ku ta hiba komo título 44/876 ku un sentimentu realmente isleño. E verano akí Shaggy i Sting huntu ta bai hasi un gira dor di kontinente europeo pa diferente lokashon históriko. Christina Aguilera ta un kantante kompositor ganadó di Grammy Award , ku ta konosí pa su bos fuerte i pa su éksitonan. Durante su karera e la bende mas ku 43 mion disko mundialmente. Aguilera tin 5 éksito number 1 riba Billboard Hot 100, i ta entre e tres damanan ku den tres desienia konsekutivo ta logra penetrá drenta puesto haltu(añanan ‘90, ‘00 i ‘10). E la gana 6 Grammy Awards, entre kua un Latin Grammy Award. Tambe e tin su strea riba Hollywood Walk of Fame i e ta tin e honor komo úniko artista bou di 30 di aparesé riba e lista di Rolling Stone magazine, ku e 100 kantantenan di mas grandi di tur tempu. Na 2011 Christina Aguilera a drenta mundu di televishon komo coach den e programa The Voice, e programa di NBC nominá pa Emmy Award. Aguilera a sigui usa su bos pa e bon kousa. For di 2009 e ta internashonalmente portabos di Yum! Brands' World Hunger Relief i a yuda rekoudá mas di 150 mion dòler pa e programa mundial di kuminda i otro instansianan pa kombatí hamber. 15 di yüni su di 6 disko Liberation lo sali, pa kua for di awor por hasi pedido.E kantante CeeLo Green nos konosé mihó komo artista solista, aunke tin bastante fanátiko ku gran plaser ta mira bèk na e tempu kaminda el a bira famoso komo e parti mitar di Gnarls Barkley; i e otro parti mitar ta e produktor famoso Danger Mouse. E piesa Crazy a logra pone e duo di soul akí riba mapa musikal na aña 2005; e éksito monstruoso akí ku a keda koroná ku un Grammy i entre tanto tin su propio página Wiki ku ta mas largu ku un di kualke artista! Aunke ku ofisialmente Gnarls Barkley nunka a keda eliminá i desolvé, su di dos i último álbum tin e fecha di for di dies aña pasá. Ku su zonido di bos i timbre altu ku ta algu úniko CeeLo Green a demostrá for di e fecha ei ku e por para riba su mes pianan, loke ta duna testimonio den su disko sengel ku a resultá den un éksito musikal rotundo titulá Fuck You! (2010), i ku esaki el a alkansá puesto number un riba e lista di e mihó kuarentanan di Hulanda.  

  • PDVSA ta para tur trabou na refineria ISLA pa stroba ConocoPhillips

    PDVSA ta para tur trabou na refineria ISLA pa stroba ConocoPhillips

    WILLEMSTAD – E compania petrolero Venezolano PDVSA a dicidi pa para tur trabou riba e refineria ISLA n Corsou, asina cu tur produccion di petroleo cu nan tin, caba. Asina e compania a laga sa cu ta nan contesta riba e accion di e compania mericano ConocoPhillips riba e beslaglegging riba e refineria. Asina e portal Hulandes Nu.nl ta raporta.

  • Venezuela y islanan ABC a reuni riba materia di aduana awe

    Venezuela y islanan ABC a reuni riba materia di aduana awe

    WILLEMSTAD – Awe mainta a tuma lugar e prome reunion tecnico di seguidmento di e acuerdo di dia 7 di april ultimo na Venezuela. E reunion di awe mainta manera NoticiaCla a raporta caba, a tuma lugar na Willemstad Curacao entre delegacion di Venezuela, Aruba, Bonaire y Corsou en busca di un relacion ‘sano comercial’ entre Venezuela y e islanan Hulandes’. Asina e delegacion di Venezuela a laga sa. E tabata trata un reunion tecnico riba materia di aduana unda cu partidonan mester a delinea kico tur por y no por pa e trafico maritimo entre Venezuela y islanan ABC. Pa Aruba a participa entre otro director di aduana y director di Direccion di Relacionnan Exterior di Aruba Edwin Abath, y funcionario Davidsen.Pa Venezuela tabatin representante di Cancilleria di Venezuela, gobernacion di estado Falcon, oficial di Seniat, y mas funcionario di gobierno di Venezuela. E otro islanan tambe tabatin nan respectivo representantenan. Foto cortesia Cancilleria di Venezuela. 

  • Reunion ABC awe na Corsou riba trafico maritimo cu Venezuela

    Reunion ABC awe na Corsou riba trafico maritimo cu Venezuela

    ORANJESTAD/WILLEMSTAD – Delegacionnan di Aruba, Bonaire y Corsou ta reuniendo awe (diahuebs) na Corsou pa establece e reglanan pa por habri e trafico maritimo cu Venezuela mas liher cu ta posibel. Siman pasa prome minister di Aruba Evelyn Wever Croes a confirma pa NoticiaCla cu e reunion lo ta tumando lugar riba 3 di mei, pero cu esaki no ta inclui oficialnan di Venezuela, sino netamente di e islanan ABC. E intencion ta pa ‘streamline’ e proceso di atende e trafico maritimo comercial pa tur isla tin e mesun proceso. Potret ta di e waf na Punto Fijo, estado Falcon. 

  • Powered by SETAR