Aruba Bank y Comite Olimpico Arubano ta anuncia Aruba Bank Sport Clinics 2018

Aruba Bank y Comite Olimpico Arubano ta anuncia Aruba Bank Sport Clinics 2018

Posted on 01/17/2018 5:00 pm AST | Updated on 01/17/2018 5:01 pm AST

ORANJESTAD - Aruba Bank y COA desde 2016 a enfoca ariba e sosten di e vision y mision di e organisacion olimpico y nan principionan fundamental.

Pa mantene e convenio aki bibo Aruba Bank ta introduci un serie di SPORTS CLINICS durante di e aña cu ta enfoca rond di e balornan olimpico, cu ta entre otro; leadership (liderazgo), teambuilding (hermandad), integrity (integridad), respect (respet), passion (pasion), discipline (disiplina), health and wellbeing (bienestar mental y corporal/salud) y e promocion di excelencia den comunidad, entre muchanan y hobennan, ta balornan ariba cual Aruba Bank tambe ta funda.

E importancia di e laso aki tambe ta pa sostene e participacion di e hende muhe ariba tur nivel di deporte y e esencia di conscientisa e pueblo en general di e importancia di deporte pa e desaroyo humano den comunidad. E clinica aki ta pa crea relacion cu atletanan local, pero tambe pa inspira y motiva hobennan pa cuminsa haci un deporte.

Expertonan ta di acuerdo cu actividad fisico ta esencial pa hobennan, pero tambe e educacion fisico ta yuda na implementa e importancia di haci deporte y di ta activo. Esaki ta e motibo cu Aruba Bank a introduci e Aruba Bank Sport Clinic. E clinica aki su meta principal ta pa enfoca riba diferente balor di deporte y habitonan saludabel na scolnan basico. E clinica aki ta pa studiantenan di scol basico di klasnan 4 te 6, pero tambe ta enfoca riba muchanan inactivo.

En conexion cu e partnership cu COA, atletanan olimpico local lo ta presente na e Aruba Bank Sport Clinic. E prome deporte di e clinica lo ta di bowling. E meta di Aruba Bank ta pa inspira hobennan inactivo pa ta activo, pa bira futuro atleta. Durante e clinica e atletanan olimpico lo comparti nan experiencia cu participantenan. Tambe e participantenan lo tin e oportunidad pa practica e deporte. Na final di e clinica, tur participante lo ricibi nan certificado di participacion y un treat saludabel.

Diasabra dia 17 di Februari na Eagle Bowling Palace pa 10:00am te 1:00pm lo tin e clinica di bowling, unda cu atleta Kamilah Dammers lo ta presente pa papia riba su experiencia y siña tecnicanan di bowling na e muchanan. Aruba Bank lo tene e Aruba Bank Sport Clinic na diferente facilidad deportivo. Por registra aki mes https://www.arubabank.com/forms/ParticipationFormSportsClinic2018

  • Team Brandweer 1 a caba Ronde van Aruba 2018 prome

    Team Brandweer 1 a caba Ronde van Aruba 2018 prome

    SAVANETA - E team Brandweer 1 a caba e Ronde van Aruba como prome. Keda pendiente pa e resultadonan total. 

  • SETAR patrosinador orguyoso di Ronde van Aruba

    SETAR patrosinador orguyoso di Ronde van Aruba

    ORANJESTAD - SETAR ta sponsor di tur aña di Ronde van Aruba desde e comienso y cada aña esaki a bira mas grandi. SETAR Semper ta participa como sponsor pero tambe tin un team di empleadonan cu ta participa. E aña aki SETAR tin 3 team di empleadonan cu ta participa den Ronde van Aruba.

  • Cantidad record di 586 participante den 'Ronde van Aruba' awe nochi!

    Cantidad record di 586 participante den 'Ronde van Aruba' awe nochi!

    SAVANETA – Un total di 586 persona lo participa awe nochi na e careda popular “Ronde van Aruba”, cu ta un record na participante. Ayera nochi a tene e anochi di informacion final, unda cu tur participante a reuni y a haya nan material y ultimo informacion y regla necesario pa por participa y ta prepara. E careda ta cuminsa pa 8’or despues cu Gobernador di Aruba Su Excelencia Alfonso Boekhoudt primi e boton di comienso. E careda ta cuminsa y caba na Mariniers Kazerne na Savaneta, E ultimo grupo di persona ta sali den careda di 10’or y ta spera e prome grupo di persona yega bek na MZK pa 3’or di diasabra marduga. NoticiaCla lo ta cubriendo e salida manera a haci aña pasa tambe, via e pagina di Facebook cu livestreaming. Potret cortesia Seever Krozendijk (297 sports).

  • Coca Cola Nacional cla pa retene titulo di campeon futbol Division di Honor

    Coca Cola Nacional cla pa retene titulo di campeon futbol Division di Honor

    ORANJESTAD - E campeonato di Division Honor poco poco ta yegando su final y Coca Cola Nacional a yega kwart final. Coca Cola Nacional ta preparando nan mes duro pa asina por defende nan titulo di campeon. Un total di 4 team a clasifica p’e kwart final y Coca Cola Nacional ta preparando nan mes pa asina nan sali den e prome 2 team y pa wanta e titulo, asina Silo Brete di Coca Cola Nacional a expresa. E prome wega di Coca Cola Nacional lo ta diasabra awo contra di SV Dakota. E clasificacion aki no tabata facil pa niun team, pasobra e biaha aki tabatin 7 team duro pero tambe esunnan mas abou a duna bataya. Coca Cola Nacional a clasifica p’e play-off, pero den e ultimo 4 añanan pa Silo Brete e competencia aki ta esun di mas duro.

  • Aruba Wieler Bond ta tene cu su paseo silencio riba bicicleta

    Aruba Wieler Bond ta tene cu su paseo silencio riba bicicleta

    ORANJESTAD - Diaranson 16 Mei 2018, Aruba Wieler Bond lo tene su paseo silencio ariba bicicleta. Ride of silence ta un paseo ariba bicicleta unda anualmente , riba e mesun dia y ora, ciclista nan full rond di mundo ta uni nan mes pa concientiza automobilistanan ariba e seguridad den trafico y alavez conmemora ciclistanan cu accidenta of a fayece door di un trafico insigur.

  • Di dos campeonato di AKB ta tuma lugar na Aruba e weekend aki

    Di dos campeonato di AKB ta tuma lugar na Aruba e weekend aki

    ORANJESTAD – E di dos campeonado di AKB ta tuma lugar proximamente na Aruba. E lo tuma lugar den Compleho Deportivo Frans Figaroa (Noord) di 2or di atardi pa 8 or di anochi. Na mes momento AKB ta extende un invitacion pa tur otro scol di karate cu no ta miembro di AKB pa participa tambe na e campeonato aki. Participacion pa miembro di AKB ta costa 25 florin y ‘no miembro’ ta 50 florin. Fanaticonan y publico en general ta keda cordialmente invita pa bin presencia e campeonato aki.

  • Powered by SETAR