Oduber: Situacion bergonzoso riba beach entre operadornan no lo wordo acepta

Oduber: Situacion bergonzoso riba beach entre operadornan no lo wordo acepta

Posted on 01/16/2018 12:17 pm AST | Updated on 01/16/2018 12:17 pm AST

ORANJESTAD – E situacion bergonsoso riba beach entre operadornan (manera por a mira riba video riba rednan social e dianan aki) no lo wordo acepta . Asina minister di infrastructura Otmar Oduber a laga sa pa medio di un comunicado. Segun e mandatario, e maneho di ‘3 strikes you’re out’ ta activo y lo tin cero tolerancia pa actonan asina.

Locual cu a tuma lugar riba nos beachnan y cual video a wordo distribui riba Facebook ta inacceptabel segun e mandatario. Como Minister encarga cu precario cu ta wordo otorga pa operacion di actividadnan riba nos beachnan ta anuncia cu lo tin cero tolerancia pa e tipo di actonan aki.

‘Mi tabatey na inicio di Beach Policy cu tambe ta cay bou di responsabilidad di Minister di Infrastructura, sinembargo e tempo ey como Minister di Turismo mi a pone hopi presion riba esaki. A base di e video cu a circula a mustra hopi cla, kico tur ta sosode riba nos beachnan. Lamentablemente esaki no ta un incidente cu a tuma lugar e siman aki so.’

Oduber ta informa cu a yama un reunion pa diahuebs awor entre tur Minister envolvi esta, Minister di Turismo, Minister di Transporte, Minister Oduber encarga cu Infrastructura y departamentonan concerni manera KPA, Directie Scheepvaart, DIP y DOW. Pa di e forma ey un biaha mas mustra cu ta sigui sostene e maneho cu tabatin di ‘3 strikes you’re out’. ‘Esaki mester ta bon conoci pasobra no ta prome biaha cu ta mencione. E maneho aki ta conta pa tur hende cu ta opera riba e beachnan.’

E reunion ta pa delinea cu tur hende ta opera riba e mesun liña, y cu lo tin cero tolerancia pa tipo di actividadnan aki riba beach. Den pasado e Minister di Infrastructura no a percura pa DIP haya e apoderacion pa haci e controlnan mas severo, sinembargo esaki ta inicia inmediatamente y DIP ya a wordo informa di esaki caba. Pa cuminsa e dos personanan en cuestion lo haya advertencia, sin considera ken tabata robes, e ta bay pa e hecho di locual cu a tuma luga. Pasobra si tin algo cu ta bay robes, tin instancianan cual por acudi pa yega na solucion. Insulto, agregcion y publicidad negativo cu esaki ta duna nos Pais ta inaceptable y ta un atentado directo contra e bienestar economico di Pais Aruba, Oduber a bisa. Pa conclui Oduber a sigura cu KPA tin registracion di tur e advertencianan cu a wordo entrega y lo sigui haci esaki.

  • Venezolanonan na Aruba tambe a vota pa eleccion presidencial

    Venezolanonan na Aruba tambe a vota pa eleccion presidencial

    ORANJESTAD - Venezolanonan residencia na Aruba awe mainta a cuminsa vota pa e eleccion presidencial di e pais. Tin un total di 1132 Venezolano registra na Aruba cu por vota. No obstante e peticion di e grupo opositorio, un grupo ya a acudi for di 8'or pa bay vota. Tur cos ta marcha bon segun e consul encarga, Amabel Lugo. E votamento ta sigui te awe tardi 6'or, unda cu fuera di e actual presidente Nicolas Maduro, por vota pa tres otro candidato. 

  • Gobierno investigando fuente di noticia falso riba asilo politico

    Gobierno investigando fuente di noticia falso riba asilo politico

    ORANJESTAD – Gobierno di Aruba a inicia un investigacion pa e posibel fuente di noticia falso riba asilo politico di un dia prome. Asina minister responsabel pa telecomunicacion Chris Romero a informa den un comunicado diabierna. Segun e comunicado, “a tuma e pasonan necesario pa cuminsa cu un investigacion pa saca afor di unda e informacion incorecto aki lo a sali”.

  • Contrario na rumornan, Venezolanonan na Aruba tambe por vota diadomingo

    Contrario na rumornan, Venezolanonan na Aruba tambe por vota diadomingo

    ORANJESTAD – Contrario na rumornan falso cu a keda suministra na algun canal di television local y den cierto medio cu Venezolanonan na Aruba no por vota pa e eleccion presidencial diadomingo, Consul interino Venezolano na Aruba Amabél Lugo a sigura NoticiaCla cu e Venezolanonan registra localmente por vota sin ningun problema. A lamenta e hecho cu a purba difundi informacion falso pa crea un polemica sin cu ta necesario.

  • Wever: Gobierno no a y lo no duna asilo politico na ningun persona

    Wever: Gobierno no a y lo no duna asilo politico na ningun persona

    ORANJESTAD – E informacion cu a sali for di ayera cu gobierno ta dunando asilo politico na Venezolanonan, no ta cuadra. Asina prome minister di Aruba Evelyn Wever Croes a sigura den un conferencia di prensa diahuebs mainta tempran. E informacion eroneo cu a keda publica riba e.o. whatsapp a causa cu awe mainta tabatin centenares di persona na e edificio di DIMAS pa busca e asilo politico aki. Pero nada di esaki no ta berdad segun Wever. Mes momento Wever ta confirma si cu e situacion ta uno fastioso y delicado.

  • Dangui Oduber: No por kere cu huez kier sinta riba stul di minister

    Dangui Oduber: No por kere cu huez kier sinta riba stul di minister

    ORANJESTAD – Minister di deporte Dangui Oduber tabata desapunta den e sentencia di huez di awe riba e caso di Fundacion Lotto pa Deporte. Esey el a bisa NoticiaCla diarason anochi ainda. Ademas e la bisa “Mi no por kere ni imagina cu huez kier sinta riba stoel di minister y stroba un minister di haci su trabou”. Segun e mandatario, na momento cu el a constata irregularidadnan cu fondonan di Lotto pa Deporte, el a manda un carta pa e bestuur y bisa nan esaki no por! “Basa riba esaki e bestuur a dicidi di hibami corte pa asina prohibi mi di haci pregunta, pidi cuentanan annual y otro documentonan” Oduber a bisa. “ Mi ta lamenta cu e sentencia aki huez ta habri caminda pa otro bestuurdersnan tambe haci negoshi a la toko den toko!” e mandatario a finaliza bisando. E mandatario ta referi na e sentencia cu a keda dicta awe mainta y riba cual NoticiaCla a raporta anteriormente caba. Lesa e sentencia AKI.

  • Bikker: Investigacion interno riba ‘perdida’ di radio di polis

    Bikker: Investigacion interno riba ‘perdida’ di radio di polis

    ORANJESTAD – Tin radio nan di polis ta circulando rond na Aruba cu no ta ‘den man di polis’, y minister di husticia Andin Bikker diaranson a confirma na NoticiaCla cu e asunto a yega na ‘su oido’. “Tin un investigacion andando interno” Bikker a bisa, y a bisa mesora cu ta pesey e no ta comenta mas hopi riba e tema aki. “E tin nos atencion, pero mi no ta comenta mas ariba pasobra mi ta kere e por ta contra productivo y ta stroba e investigacion”, e mandatario a sigui bisa. A bisa cu tur radio di polis ta registra y esnan cu pa un of otro motibo a wordo perdi, a wordo desactiva” e mandatario a sigui bisa.

  • BDC3
  • Powered by SETAR