Reunionnan riba nivel halto tumando lugar riba situacion Venezuela

ORANJESTAD - Reunionnan di nivel halto ta tumando lugar aworaki na Aruba, entre e gobernantenan di Aruba, Hulanda, Venezuela y Corsou. Riba e potretnan di primicia di NoticiaCla, por mira momento cu e delegacionnan ta reuniendo pa resolve e impase cu tin entre Venezuela y e islanan ABC. Presente den e reunion tin entre otro e ministernan di Aruba, Corsou, Venezuela y embahador Hulandes na Caracas. Ta e intencion pa trece un solucion awe mes, den un forma di acuerdo formal relaciona cu importacion di e productonan di Venezuela pa e islanan en cuestion. Ta premira tambe segun informacion cu e portal aki tin, cu e islanan lo demanda garantia cu su ciudadanonan lo no ta teni rehen, manera cu tabata e caso e siman aki. E intencion di e reunion ta pa re estable  relacion entre Venezuela y e islanan. Di robes pa drechi por mira Embahador Hulandes Braakhuis, Prome Minister di Aruba Evelyn Wever, Vice Presidente di Venezuela y Minister di Comercio sr. Mora y Minister di Husticia di Corsou, sr. Girigorie.