Gerald Vingal mes ta keda na cabeza di IASA

ORANJESTAD - Gerald Vingal ta keda na cabez di IASA. Tabata despues cu cierto medionan di comunicacion a lansa un informe ,segun gobierno di Aruba sin un base fundamental, Gerald Vingal mes a confirma cu na su aparecer e ta conta cu e respaldo di Minister Bikker y cu tur cos ta canando riba un bon caminda relaciona cu trabou nan di IASA.

E ta repasa cu recientemente Minister Bikker, encarga cu e departamento, a haya henter un recorido di aeropuerto, pa asina aki e por tin un mihor conocemento di henter e proceso di migracion y tambe pa e por tin un mihor bista di tur loke cu ta andando bon y tur loke cu ainda falta pa perfecciona. Sr. Vingal a duna tur splicacion hunto cu gran parti di e team di IASA pa asina por amplia e conocemento di minister riba e tereno aki.

E combersacion nan a bai hopi bon segun Vingal, unda cu a trese dilanti diferente punto, cu ta di elogia, y pa cual tin un bon funcionamento di e departamento di IASA. Tambe a touch e punto nan menos bon cu lo haya su debido atencion. Den e comunicado a mustra tambe cu Vingal ta sigui gosa di e elogio tanto local como internacional pa e forma profesional y eficiente di henter e servicio na migracion. Cu esaki tambe mester informa cu muy pronto IASA lo ta anunciando proyecto nan y sistema nan inovativo y moderno pa e comunidad di Aruba.