Lidernan parlamentario satisfecho cu resultado di reunionnan IPKO

ORANJESTAD – E reunionnan interparlamentario di Reino conoci como IPKO a termina diahuebs merdia na Aruba. E hefe di delegacionnan a mustra nan satisfaccion cu e logronan yega, y a firma e acuerdonan y palabracionnan pa continuacion di e proximo reunion cu ta tuma lugar na Mei proximo na Hulanda. Temanan cu a varia di desaroyo sostenible, efecto di horcan riba isla riba y sigur e situacion entre Venezuela y islanan ABC a resalta. “Mi ta contento cu nos por a combersa riba temanan cu ta hopi actual” lider di partido D66 Alexander Pechtold a sigura durante e conferencia di prensa. Aki e ta referi primordialmente na e situacion di Venezuela. “E ta duna e reunion aki un meta util” Pechtold a bisa. Otro lidernan parlamentario tambe tabata positivo riba e logronan. Lesa e acuerdonan AKI.