Bikker: Kathy Paskel mes ta keda directora di DIMAS

ORANJESTAD – Mr. Kathy Paskel mes ta keda directora di DIMAS. Minister di Integracion, mr. Andin Bikker cu ta responsabel pa DIMAS a clarifica diaranson atardi cu no tin ningun intencion di kita directora Kathy Paskel di su puesto na DIMAS. Segun Bikker e tin un gran respet pa e trabou cu Sra. Paskel y hunto nan ta trahando den un bon esfera. E maneho di admision transitorio, pragmatico a ser traha conhuntamente cu Sra. Paskel y otro hefenan di departamento. Durante un audiencia awe tardi, tur cos a keda clarifica. 

E trabou aki a ser anuncia den luna di december y a keda bon acepta pa nos comunidad. Ministerio di Husticia bou guia di Sr. Andin Bikker ta trahando duro, conhuntamente cu Sra. Paskel y otro departamentonan, pa modernisa e ley aplicabel y tambe percura cu e maneho y proceso di admision y integracion ta mas eficiente y humano, semper cu debido atencion pa proteccion di nos mercado laboral.