Tin acuerdo entre Aruba y Venezuela pa manda residentenan local bek na nos isla

ORANJESTAD – Manera cu NoticiaCla a raporta caba, Venezuela a permiti varios buelo sali di Aruba cu pasaheronan diAruba cu ta pega na e pais bisiña pa varios dia. Gobierno di Aruba mientrastanto a emiti un comunicado informando cu despues di basta negociacion cu e Gobierno di Venezuela, a logra acorda cu nan lo permiti salida di e residentenan di Aruba, tanto e ciudadanonan Hulandes, pero tambe esnan cu ta residencia legalmente akinan.

DCA

Directie Luchtvaart na Aruba y INAC na Venezuela a logra yega na un acuerdo pa pone tres vuelo cu lo bay trece bek e residentenan di nos isla, for di Venezuela. E vuelonan lo sali for di Valencia, Maracaibo y Las Piedras cu destino directo pa Aruba y lo bay asina te ora cu saca tur nos residentenan for di e pais aki.

INHUMANO

Den e comunicacion cu tabatin entre Aruba y Venezuela, a enfatisa den e hecho cu e situacion di nos residentenan local cu ta pega na Venezuela no ta humano.

Teniendo na cuenta cu nos residentenan local cu ta aya na Venezuela, a bay cu un budget pa algun dia, pero awor cu e ceramento di frontera aki logicamente nan placa lo ta cabando of lo a caba.