Pasaheronan pega na Venezuela ta na caminda pa Aruba

ORANJESTAD - Tin tres avion di Venezuela preparando pa sali pa Aruba cu pasaheronan cu paspoort Hulandes cu ta pega pa varios dia caba, debi na e embargo impone pa presidente Venezolano Nicolas Maduro. Minister di turismo Dangui Oduber a confirma na NoticiaCla cu enberdad tin e buelonan preparando pa bolbe cu e pasaheronan. No ta conoci cuanto nan ta (total tabatin 187 pasahero pega) cu ta bolbe, ni ki ora. E detayenan ey ainda no ta conoci publicamente. Mes momento a confirma cu coincidentalmente tin un buelo inaugural di Aruba Airlines for di Barquisimeto cu ta biniendo pa Aruba tambe, aunke bashi. Diabierna awor tin un cumbre na Aruba pa resolve e asunto.