Knops: Aruba no por pasa refugio di Venezolanonan pa Bonaire

KRALENDIJK – E comentario di prome minister di Aruba Evelyn Wever Croes cu Bonaire tin suficiente espacio pa ‘hospeda’ Venezolanonan illegal di Aruba, no ta corecto. Asina secretario di estado Hulandes Raymond Knops a bisa na Bonaire. Asina e partner di noticia cu NoticiaCla, Caribisch Netwerk ta raporta. “E no ta parsemi un bon idea. E no ta e miho idea pa hala e problema y pase pa otro” segun Knops durante fin di su bishita na Bonaire.

“Tin un problema grandi, cu a sorprende nos. E ora bo mester wak pa resolve esaki di un bon manera y no door di bisa ‘nos ta manda e hendenan aki pa Bonaire”e mandatario a sigui bisa.

Pa loke ta e blokeo Venezolano pa islanan ABC, a cuminsa cu contactonan mientrastanto segun Knops. E secretario no ta di acuerdo cu e critica riba e reaccion Hulandes. Segun entre otro lider di partido D66 Alexander Pechtold, e cuestion aki na Europa lo a crea hopi desordo. “No ta trata di con bo ta reacciona, sino con bo ta resolve e problema” Pechtold a bisa.

CONSULTA

Tin un consulta oficial planea entre Aruba, Venezuela, Corsou y Hulanda diabierna awor. Knops ta spera cu e ora ey e trafico comercial por continua atrobe. Esey ta , segun Knops, tambe beneficioso pa Venezuela. E mandatario ta yega Aruba diabierna awor.