Wever: Kier Arubianonan pega na Venezuela bek na Aruba pa diabierna!

ORANJESTAD – Gobierno di Aruba kier e 187 Arubianonan pega na Venezuela bek na Aruba pa diabierna! Asina prome minister Evelyn Wever Croes a bisa e canciyer Venezlano Areana awe. Gobierno di Aruba a tuma medida awe pa frena importacion illegal di koper for di Venezuela (lesa otro articulo). For di prome minister di Aruba Evelyn Wever Croes, a compronde cu e ta un medida cu gobierno Venezolano a aprecia, y a pidi pa diabierna durante un reunion cu tin na Aruba, sigui elabora riba e detayenan di e areglo. “Mi a bise, esey por pero ami kier awor akinan si cu ta pone un punto final na tene nos hendenan pega na Venezuela y mi kier nan na Aruba prome cu diabierna! “el a declara na e canciyer. Ta den contacto cu colega prome minister di Corsou tambe pa mira con conhuntamente por trece e pasaheronan ey tambe pa nan isla. A haci un suplica pa tur hende cu no mester bay Venezuela, pa no bay. “Si bo ta ayanan, purba toch bin via otro destinacion” Wever Croes a bisa.