Prolongacion medida Venezuela a cay den masha mal tera pa Aruba

ORANJESTAD – E noticia di prolongacion di medida di Venezuela pa blokia tur trafico aereo y maritimo awe mainta, ‘ a cay den masha mal tera cerca nos’, Prome minister di Aruba Evelyn Wever Croes a duna como prome declaracion riba diamars. “Nos tabatin e speranza cu esaki tabata pa 72 ora so” e mandatario a sigui bisa. E problema ta cu tin 187 pasahero cu pasaporte hulandes pega na Venezuela y no por bin bek.

LAMENTO

Segun Wever, gobierno di Aruba a expresa su lamento di gobierno Venezolano atravez di consul general di Venezuela y awe el a tene un conversacion cu canciyer Areaza, minister encarga cu asuntonan di relacionnan exterior di Venezuela. “Mi a informe cu e decision aki ta afecta nos pasaheronan severamente” Wever a bisa. E canciyer a pidi cooperacion pa traha mas duro riba e tema di contrabanda, ya cu no a haya oido riba esaki. Venezuela ta dispuesto pa traha cu Aruba.