Reunion di IPKO diamars na Aruba lo toca e.o. situacion Venezuela

ORANJESTAD – E proximo reunion interparlamentario di Reino Hulandes, miho conoci como IPKO ta inicia diamars awor pa 9'or am cu e presidium, sigui pa palabra di apertura di e tres , cu delegacionnan di Aruba, Corsou, St Maarten y Aruba. E tema cu a bira esun principal awor ta entre otro e situacion di Venezuela y asuntonan den Caribe Hulandes. Fuera di e reunionnan intensivo na Hilton Hotel cu lo dura 3 dia y caba diahuebs awor, lo tin bishita di trabou na e.o. WEB y CITGO unda cu lo mira e.o. e plan piloto di Microalgen. Diahuebs merdia lo firma e acostumbrado acuerdo, sigui pa un conferencia di prensa. E delegacion di Hulanda ta lidera pa conocido politico Alexander Pechtold (D66) y ta conta cu 14 persona di cual 2 ta miembro di staf. E delegacion di St Maarten ta conta cu 7 persona incluyendo staf, mientras cu esun di Corsou ta consisti di 9 persona incluyendo e griffier. Aruba tin su delegacion mientras cu demas miembronan di Parlamento por asisti como ‘oyente’, of toehoorder.