Wever: Contracto nobo hedging mas beneficiante cu esun anterior

ORANJESTAD – E contracto nobo di hedging cu WEB a cera, ta uno diferente cu esun cu tabatin anteriormente. Si antes a hedge pa 3 aña largo, awor a hedge pa ‘apenas 3 luna’ y mara na un prijs specifico y un seguro cu ta evita cu no por mishi cu e prijs (encaso esaki baha). E intencion ta segun prome minister Wever Croes, pa finalmente yega na un reduccion di tarifa di awa y coriente. Y lo haci tur cos posibel pa logra esaki.

HEDGING

Ora cu e contracto ultimo di hedging (di 3 aña) a vence fin di 2017, y WEB a pidi pa un otro contracto. Segun Wever, gobierno, cu tabatin problema di hedging, a reuni cu consehero y a revisa consehonan di Utilities, y a yega na un conclusion pa ta prudente y oportuno pa cera un contract di hedging, pero responsabel. Un periodo cortico 3 luna y cu seguro cu si e prijs baha, e costo tambe ta baha. E ta un seguro poco mas caro, basa riba tarifa di 56 dollar. “Si e prijs baha, nos tambe ta baha” Wever a bisa. “Pakico e forma aki? Pasobra a comunica na Utilities cu ta baha prijs di awa y coriente como vision di gobierno. Si den e vision di e compania kier bay na energia alternativa, e mester tin vision tambe pa baha prijs di awa y coriente” Wever a finalisa bisando.