Wever: Aruba trahando pa resolve asunto di boycot cu Venezuela

ORANJESTAD – Aruba ta trahando pa resolve e asunto di boycot entre Aruba y Venezuela. Segun prome minister di Aruba Evelyn Wever Croes, a resulta cu Venezuela a pidi Aruba for di 2016 atencion pa contrabanda di material, pero no a haya oido di autoridad riba tema di contrabando. E problema mayor tabata importacion riba koper. Segun Wever awor ta atendiendo riba e tema aki. E mandatario a bisa cu e ta lamenta loke a sosode. Entre e efecto di e boycot, ta trata buelonan comercial y for di laman, transporte di fruta y berdura lo tarda. Awor esaki ta un problema segun e mandatario y a busca alternativa pa resolve e parti ey. Mes momento a instrui director Directie Buitenlandse Betrekking (DBB) Edwin Abath pa atende cu consul di Venezuela, informando cu no ta contento con unilateralmente ta yega na un decision asina. A recorda cu gobierno di Aruba ta sinta apenas un luna y cu mester duna nan tempo pa traha. “ Hunto mester combati esaki. Unilateral no ta yuda esaki” Wever Croes a bisa. A duna palabra cu ta bay coopera pa hunto combati contrabando. A reuni cu Hulanda tambe. Mes momento Wever a sigura cu Aruba ta serio den combati contrabanda. Ta spera cu esaki por yega na descalacion, y cu e medida no keda prolonga diamars mainta. A mustra cu siguranza cu cualkier importacion ilicito lo wordo combati. “Loke ta sosode no ta bon pa nos pais y lo no tolera esaki den ningun sentido”. Di otro banda a mustra cu dicidi interno cu no por wordo poni bou di presion. Ta buscando solucion, alternativa”.