Polisnan sentencia den caso Mitch Henriquez ta bay apela

DEN HAAG – E agentenan policial envolvi den e detencion fatal di e Arubiano Mitch Henriquez, ta apela an sentencia. Asina nan abogado a raporta segun e corant hulandes Telegraaf. E polisnan a keda sentencia fin di aña pasa na castigonan condicional di 6 luna di prison, cu un periodo di prueba di un aña. “Ambos agentenan no por haya nan mes cu e sentencia aki, y e defensa ta di opinion cu mester haya absolucion total” segin e abogado di e polisnan riba e website. Ministerio publico no ta apela e sentencia den e caso di Henriquez.

E caso

Henriquez a muri un dia despues cu el a keda deteni na un festival musical na Den Haag fin di juni 2015. Tabatin mester di 5 agente policial pa logra detene Henriquez (42) y logra domine, debi na su curpa grandi y su forza. Henriquez lo a grita cu e tin un arma, cu a resulta di ta falso.