Dama coredo agredi cu intento di violacion awe mainta

ORANJESTAD - Un persona haciendo ehercio awe mainta a keda agredi cu intencion pa viole. Segun vocero suplente di polis Liliana Rasmijn, awe mainta pa 6:07 central di polis a manda un patruya pabao di ex Bushiri hotel pa un caso di intento di violacion. Na yegada di e patruya ta topa cu un dama cu ta declara cu e ta tabata coriendo ora diripiente un homber a atace y a wante. E homber a menase cu un arma di candela y un schroefdraaier. E la sigui conta cu e homber a mishi cune pero no a logra viole. E la logra hui di e homber y a logra para un autobus cu tabata pasando . E descripcion di e sospechoso ta color di cuero lichtbruin, estatura mas o menos di 1.65 , e ta tin cara tapa, bisti cu un bodyshirt y un short color cla. E caso ta bao investigacion. Ken cu por a wak algo jama tiplijn di polis 11141.