Comision ta entrega rapport ‘final’ riba carnaval diaranson

ORANJESTAD – E comision di carnaval ta entrega su rapport final riba futuro di carnaval diaranson na minister di cultura Otmar Oduber. E rapport aki mester yuda gobierno formula e proximo paso pa futuro di carnaval di Aruba y posibel reemplazo di e fundacion cu a dirigi carnaval pa mas di 60 anja, esta SAC. NoticiaCla.com a compronde cu no ta descarta cu SAC no ta ‘disparse’ completamente, sino mas bien por keda incorpora den e proximo ‘fundacion’ cu tin cu ‘nace’ aworaki. E motibo ta cu di otro forma, un comision completamente isola di SAC lo no por keda cla na tempo pa por organisa carnaval na tempo pa 2015. E comision tabatin e tarea pa reuni cu tur stakeholders y bin cu un plan y sugerencia basa riba e reunionan aki. E mester cubri un base amplio cu ta inclui tur aspecto di carnaval, for di e parti logistico, te na e parti musical. NoticiaCla.com a compronde cu a reuni cu como 16 pa 17 stakeholders, cu a inclui miembronan di SAC tambe. “E la bay den un ambiente hopi profesional y bon ambiente”, NoticiaCla.com a compronde di su fuentenan yega na e combersacionan. Den curso di dia NoticiaCla.com ta spera di por haya reaccion di esnan envolvi riba e resultado di e reunionan. Foto di archivo ta mustra minister Oduber den e ultimo reunion cu e grupo di SAC prome cu a bin e impasse algun siman pasa.