Lo sigui cu seguro actual pa studiante na Hulanda por lo pronto

ORANJESTAD – Aunke cu tin critica riba e seguro di studiantenan di Aruba na Hulanda, gobierno actual a dicidi di mantene e seguro actual pa un aña mas. Asina minister plenipotenciario di Aruba na Hulanda Guilfred Besaril a bisa NoticiaCla diahuebs mainta. Si a cancela e seguro awor, lo por a hayabo den default pa kiebro di contracto. E entrada di gobierno y e tempo di e contracto no a bay hunto, y no tabatin tempo pa averigua un ke otro na tempo. “Pa ora cu nos a asumi nos responsabilidad na November, ya nos tabata laat pa bisa cu nos ta stop cu e seguro den su forma actual” Besaril a bisa. Mes momento sinembargo, e mandatario a bisa cu lo evalua e seguro y wak si ta cambia esaki of si ta ahusta e seguro actual cu tin aworaki. Esey lo sosode hunto cu e minister di enseñansa di Aruba. Como tal si tin un seguro nobo, esaki lo conta pa studiantenan nobo cu ta bayendo Hulanda na juli/augustus