Minister Besaril a entrega banderanan bendiciona pa Papa Francisco

ORANJESTAD – E sumo pontifice Papa Francisco a bendiciona tres bandera di Aruba durante un encuentro recien cu minister plenipotenciario di Aruba Guilfred Besaril. Besaril diahuebs mainta a relata di e bishita historico aki, y finalmente presenta dos di e tres banderanan aki na e respectivo departamentonan. Ta durante un bishita danki na e cupula COTAL (Confederacion de Organizaciones Turisticas), considera como un grupo strategico turistico, cu Besaril a biaha pa Vaticano recientemente y topa cu e sumo pontifice. Na e occasion ey, e Papa a bendiciona no solamente e tres banderanan, pero a ricibi un cuadro di Aruba, fotografia pa e conocido Ayrton Tromp, y tambe a ricibi pika di papaya. Pa loke ta e pika, Besaril a conta un anecdota di e parti ey unda cu e Papa a bisa su asistente pa sigura cu e pika ta banda di su cuminda mas laat pasobra ‘e kier purbe’. Besaril a entrega e banderanan diahuebs mainta na presidente interino di Parlamento Alan Howell y prome minister Evelyn Wever Croes. E otro bandera a keda Hulanda pa colga na Arubahuis