Renaissance Aruba a cende pagara di 6 miyon tiro diasabra atardi

ORANJESTAD – Renaissance Aruba a cende su pagarada di 6 miyon tiro diasabra atardi pa exactamente 3’or di atardi. Ya e ta un tradicion; tur hende ta papia di dje y e paranda di fin di aña no ta completo sin e pagara di Renaissance Aruba. E pagara di e aña a tambe conta cu ambiente di dande. E pagara di Renaissance Aruba ta un tradicion pa años caba di MetaCorp y aunke e resort tin propietario nobo, e tradicion ta sigui! Paul Gielen, General Manager di Renaissance Aruba Resort & Casino ta comenta cu Aruba ta conta cu e pagara tur aña y a keda demostra cu riba dia 30 di december e ambiente dilanti di Renaissance Aruba ta total!