Segun Venezuela, 4% di contrabanda ta di Aruba y Panama

CARACAS – Aruba (y Panama) ta percura pa 4% di e contrabanda cu ta drenta Venezuela y ta wordo bendi. Asina director di polis fiscal y douane Venezolano William Valero a declara awe na e pais bisiña segun un raportahe di e canal ‘canal1’. Prome reaccion di prome minister di Aruba Evelyn Wever tabata di sorpresa, pasobra e no por compronde con esaki por ta e caso. E ta compronde cu di Venezuela pa Aruba por tin contrabanda, pero no visa versa.

E OPERACION

Segun Valero, operativos  anticontrabado di Policía fiscal y aduanera a centra nan es den e capitalnan principal di e pais pero tambe den ciudadnan fronterizo unda mas mercancia illegal ta drenta di extranhero. Ta papia di paña, coi hunga, sapado, licor y mas, cu ta mas loke ta wordo comercializa riba mercado negro di contrabanda. Ta papia cu a confisca no menos cu 350 mil miyon di bolivar na contrabanda, di cual 4% ta procedente di Aruba y Panama. Den e raportahe, ta haci mencion specifico di Aruba y Panama. “Nos tin personal asiatico y di paisnan bisiña, aunke cu e mercancia illegal ta yega specialmente desde Panama y Aruba” Valero a sigui bisa. Por spera accionan contra esaki den e proximo dianan nos dilanti segun e director a sigui bisa. Foto y info cortesia di canal1.com.co.