Mocion aproba pa converti e shoco den simbolo nacional y protehi di extincion

ORANJESTAD – Tres aña y mey despues cu conocido amante di pahra na Aruba, Greg Peterson a inicia e mision pa proteha nos shoco, Parlamento diamars atardi a aproba un mocion pa comberti e shoco den un simbolo nacional, pa medio di un ley, y cu tur su proteccion necesario pa evita su extincion. Cu esaki, e shoco por biba mas ‘trankil’ y ta un nos simbolo nacional y protegi.

Tabata na februari di 2011 cu Peterson a inicia su mision, y via di su fundacion Aruba Birdllife Conservation a haci tur posibel pa logra esaki. A produci entre otro un video pa concientisa nos comunidad, cual video e tempo ey a logra mira mas di 7.500 biaha. Tabata na januari di 2012 cu minister Michelle Hooyboer e tempo ey a declara e shoco como e simbolo nacional, pero e tempo ey no pa ley ainda.