Ponson: Tin menos clapchi pa bende, pero suficiente pa tur hende

ORANJESTAD – E aña aki tin menos clapchi riba mercado, pero suficiente pa tur hende. Pues mientras cu tin menos clapchi importa, no ta papia si di escasez. Segun experto di DOW riba explosivos Rubin Ponson, e cantidad di clapchi cu a keda importa e aña aki, hunto cu esun cu a sobra aña pasa, ta menos cu loke tabatin aña pasa.

CANTIDAD

Den loke ta cifras di importacion, Ponson a confirma cu importacion aña pasa tabatin 21 container, mientras cu e cantidad e aña aki tabata 16 importa. Y locual a sobra aña pasa, hunto cu e 16 nan aki, ainda no ta yega e 21 container cu a wordo importa aña pasa. “Pues e clapchi ta un tiki menos, pero nos mester papia cu aña pasa un gran cantidad a sobra”. Esey kier men cu menos clapchi lo keda atras, compara cu e añanan anterior. “E cantidad (di clapchi) cu tin aworaki, ta suficiente” Ponson a bisa.

BENTA

Ponson a bisa cu ultimo 5 aña e benta di cantidad di clapchi ta cay, menos ta wordo cumpra. Como tal Ponson ta bisa cu ta purbando pa importacion (di clapchi) bira menos. “E aña aki, ban spera cu menos clapchi sobra.